Rinas- Arrestohen në flagrancë nga Policia Kufitare një çift nga Turqia. Specialistët për Hetimin e Krimit në Komisariatin e Policisë Kufitare Rinas, bënë të mundur arrestimin në flagrancë të çiftit turk, për vepën penale, “Falsifikimi i pasaportave, letërnjoftimeve ose i vizave” dhe “Falsifikimi i vulave, stampave ose i formularëve” e kryer në bashkëpunim, konkretisht:
• Ozan I., 21 vjeç, lindur dhe banues në Turqi
• Elif I., 18 vjeçe, lindur dhe banuese në Turqi
Mësohet se personat e mësipërm, janë të fejuar dhe janë ndaluar nga shërbimet e Policisë Kufitare Rinas në dalje, pasi janë kapur me dokumente udhëtimi angleze të falsifikuara.
![](https://shqiptarja.com/template/img/NO_ALFA_Kuadrate shqiptarja.png)
Këta persona do të udhëtonin në drejtim të Londrës, të cilët kishin hyrë në Shqipëri disa ditë më parë nga Turqia. Dokumentet e falsifikuara u sekuestruan në cilësinë e provës materiale. Materialet i kaluan Prokurorisë së Rrethit Gjyqësor Tiranë për veprime të mëtejshme.
![](https://www.shqiptarja.com/template/img/sh_logo1.png)