Rindertimi në Kombinat, Rama: Monika ndërton shtëpitë e veta, jo tuajat! Tym Idrizi bënte shkallë pas pallatit për t'iu larguar borxhlinjve

Kryeministri Edi Rama ka hedhur akuza të forta ndaj opozitës duke e cilësuar një estradë të madhe por fatkeqësisht reale për vendin që nuk mund t'u besosh të ardhmen. Ai madje nuk kurseu ironitë për Monika Kryemadhin, për të cilën tha se ajo ndërton shumë shtëpi, por të vetat dhe jo të popullit.

"A e imagjinon  dot  se mund  të ndërtojë një shtëpi Saliu, që s'di të bëjë një vij të drejtë. Apo Monika? Ajo di të bëjë shumë të tilla por të vetat jo tuajat, se si i ka bërë të veta dhe me çfarë ajo është tjetër histori. Apo Fatmir Mediu? Apo Tym Idrizi i cili kur ishte drejtor i doganës vinin njerëzit i kërkonin borxhet dhe kishte bërë një shkallë që zbriste nga pas pallatit. Njerëzit  e prisnin poshtë ai zbriste andej nga shkallët e hekurit.  Apo Dule e Mesila? Mesila mund t'ju digjte ndonjë palë andej nga Kombinati dhe t;u thoshte po ju liroj diellin dhe më pas të vinte ai Xhaferri i Durrësit dhe të thoshte do ju përmirësoj cilësinë e diellit. Këta janë estradë, por janë realë. Si mund të luhet me të ardhmen me këta dhe t'u besosh çelësat e shtëpisë", tha Rama

Lajmi kryesor:

Rama ‘thumbon’ Bashën: Mos e zgjidhni gomarin nga veshët, e ktheu Tiranën në nevojtoren më të madhe të Ballkanit! PD: Fushatë rrumpallë, flet vetëm për kundërshtarët

TAG:
• edi rama
• lulzim basha
• Koronavirus
• zgjedhjet parlamentare 2021