POP 5

Lajmet më të lexuara të 5 minutave të fundit

Kronikë

Rindërtimi pas tërmetit, banorët e Durrësit në protestë: Shembën pallatin përballë, dëmtuan tonin! Të na riparohet

Banoret e lagjes nr.7 në Durrës kanë protestuar para bashkisë, për dëmet e shkaktuara nga tërmeti i 26 nëntorit. Ata ngrenë shqetësimin e një mospërputhje midis ekspertizës së Institutit të Ndërtimit dhe bashkisë së Durrësit për pallatin.

DURRËS- Banoret e lagjes nr.7 në Durrës kanë protestuar para bashkisë, për dëmet e shkaktuara nga tërmeti i 26 nëntorit. Ata ngrenë shqetësimin e një mospërputhje midis ekspertizës së Institutit të Ndërtimit dhe bashkisë së Durrësit për pallatin. Protestës i janë bashkuar dhe qytetarë të cilët kanë mbetur jashtë skemës së përfitimit të fondeve.

Banorët e një pallati te lagjia nr.7 në Durrës që ndryshe njihet si Çezma e Ferrës, kanë protestuar përpara bashkisë së Durrësit, për dëmet e shkaktuara nga tërmeti i 26 nëntorit. Banorëve u janë bashkuar dhe një numër qyetarësh, të cilët nuk kanë arritur të aplikojnë për të përfituar fondin për riparimin e banesave të dëmtuara.

Banorët pretendojnë se pallati i tyre, sipas ekspertizës së Institutit të ndërtimit është klasifikuar i dëmtuar në shkallën DS4 në një kohë që bashkia i ka akorduar fond riparimi sipas shkallës DS2.

"Na është nxjerrë pallati që sipas bashkisë paska rezultuar e banueshme, ka konstatime dhe shumë gjëra të tjera që e tregojnë pallatin DS3 dhe që është e pabanueshme. Përveç kësaj neve na kanë krijuar edhe një dëm tjetër, sepse përballë pallatit tonë ka edhe një pallat tjetër, që është pallati i Zv. ministres së Brendshme, shpërthyen atë dhe na kanë krijuar edhe dëme të tjera materiale", thotë një banor.

Ndërkohë, përfundimi i afatit të aplikimeve për fondin e riparimit të banesave të dëmtuara, ka lënë jashtë kësaj skeme një numër qytetarësh të cilët nuk arritën të aplikojnë për shkak të radhëve të gjata, ndaj kërkojnë që procesi i aplikimit të rihapet.

"Tani ne duam të bëjmë aplikimin, nuk e bëjmë dot. Të tjerët e kanë marrë, ne nuk e kemi marrë. Se nuk ka patur mundësi me e bë, prisni thotë ai, mundet të hapet nga data 10 a 12. Përderia i gjithë pallati ka dalë i riparueshëm atëherë po na takoi edhe neve mirë, po s'na takoi, asgjë", deklaron një banor tjetër.

 

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi