Kryeministri Edi Rama ka ndjekur nga afër punimet për rindërtimin e shtëpive të banorëve të prekur nga tërmeti në Shijak.

"Duke ndjekur punimet që vijojnë çdo ditë, në një tjetër kantier për rindërtimin e çdo pasoje të 26 nëntorit. Në Shijak po punohet për akomodimin e 874 famijeve në shtëpi të reja, me të gjithë infrastrukturën e nevojshme për furnizimin me energji dhe ujë të pijshëm, kanalizime, ndriçim e sinjalistikë rrugore, rrjetin e telefonisë e internet, krahas 6 shkollave të reja, për Shijakun që duam", shkruan kryeministri Rama.

Më tej ai u ka kthyer përgjigje edhe akuzave të PD-së për shpërdorimin e fondeve të dhëna nga Banka Botërore.  Rama tha se Be i administron vetë fondet, qeveria vetëm ka bërë struktura speciale për të përshpejtuar punën.

"Mundësi e mirë për të sqaruar disa që komentojnë ku janë paratë e botës, ku i çuat, bota dha paratë, e për ti thënë që bota i administron vetë, nuk janë para thesi që vjen në Shqipëri dhe u jepet autoriteteve shqiptare.
Janë fonde që adminstrohen nga vetë BE përmes strukturave të veta, me procedurat e veta.

Faktikisht, ne për të reaguar me sa më shpejt, kemi bërë procedura speciale e i kemi shkurtuar në mënyrë drastike kohën e procedurat e për këtë arsye jemi sot në gjithë këto kantiere qoftë me shtëpitë e qoftë me shkollat.

Ndërkohë procedurat e BE e shumë vendeve të tjera, në këto situata janë shumë më të zgjatura e për këtë arsye shkollat që do financohen nga BE janë ende në përfundimin e procedurave, por ne po shkojmë në kat të dytë e të tretë e në 26 nëntor do hapim një pjesë të konsiderueshme të tyre.

Pra në Itali ka sot akoma mijëra njerëz që presin nëpër kabina të futen në shtëpi dhe pas 4-5 vjetësh që ka rënë tërmeti edhe pas 10 vitehs. Procedura, ankesa, verifikime, riverifikime, spostim financimesh, rialokime, këtu te ne si takon pjesës sonë e buxhetit që është me taksa shqiptare, është komplet ndryshe", deklaroi Rama.