'Rinia po emigron për shkak të Ramës', Basha: Nëse kjo situatë vazhdon, vendi do marrë fund

Kryetari i Partisë Demokratike thotë se rinia po ikën nga vendi e fajtor të vetëm për këtë bën kryeministrin Edi Rama. Përmes një postimi në rrjetin social "Facebook", Basha shkruan se Rama i ka lënë si zgjidhje vetëm emigrimin dhe marrjen me drogë.

“Rinia po emigron masivisht sepse në mungesë të politikave të punësimit, e vetmja zgjidhje që Edi Rama i ka lënë rinisë është ose të merret me drogë, ose të emigrojë, shprehet ai", duke kujtuar se dje zhvilloi pikërisht për këtë çështje një takim me të rinjtë e Devollit.

Basha thotë se detyra e parë e qeverisë do të jetë përgjysmimi i tarifave për arsimin e lartë dhe pagesa e stazheve për të sapodiplomuarit si dhe hartimi i një ligji të ri për ndjekjen e studimeve nga të rinjtë pavarësisht nga mundësitë e tyre ekonomike.

Rinia po emigron masivisht sepse në mungesë të politikave të punësimit, e vetmja zgjidhje që Edi Rama i ka lënë rinisë është ose të merret me drogë, ose të emigrojë. Nëse kjo vazhdon vendi do të marrë fund!Me të rinjtë e Devollit diskutuam për vështirësitë që të rinjtë kanë për të vazhduar studimet e larta për shkak të rritjes së tarifave dhe prej papunësinë.

Detyra e parë e qeverisë së PD do të jetë përgjysmimi i tarifave për arsimin e lartë dhe pagesa e stazheve për të sapodiplomuarit.
Do hartojmë ligj të ri në mënyrë që çdo i ri dhe e re shqiptare të ndjekë studimet pavarësisht nga mundësitë ekonomike të familjes.
Një vend, rinia e të cilit në shumicë kërkon të largohet, shkon drejt shuarjes por bashkë me vendosmërinë e të rinjve shqiptarë, këtë nuk do e lejojmë!

Lulzim Basha, kryetar i PD-së 

 

TAG:
• edi rama
• lulzim basha
• droge
• emigrimi
• Të rinjtë
• Arsimi i larte