Rinis furnizimi me ujë i Tiranës nga burimi i Shën Mërisë, Veliaj: Faleminderit kolegëve që punuan 48 orë pa rreshtur 

 

Prej ditës së premte vendi ynë u godit nga stuhia ‘Ciaran’ duke lënë pas dëme të konsiderueshme në Tiranë dhe disa qarqe të tjera të vendit. Shiu dhe breshëri i dendur shkaktuan probleme me furnizimin me ujë.

Përmes një postimi në facebook, kryebashkiaku Erion Veliaj ka njoftuar për zgjidhjen e problemit.

 “Një lajm i mirë për qytetarët e Tiranës. Pas 48 orëve intensive, ekipet e Ujësjellës Kanalizimeve kanë mundur të zëvendësojnë tubacionin qëndror të Shën Mërisë, që ishte dëmtuar nga inertet që solli rrebeshi. “Pas shumë mundi, edhe pasoja e fundit e stuhisë u zgjidh! Falemnderit kolegëve të @UjësjellësiTR që punuan 48h pa rreshtur për të zëvendësuar tubacionin qendror të Shën Mërisë, dëmtuar nga inertet që solli rrebeshi! Furnizimi rinis normalisht sonte për Njësinë 1. 2, Dajt dhe Farkë! Mirënjohje qytetarëve për durimin dhe bashkëpunimin!Bashkë!”, shkruan kryebashkiaku Erion Veliaj.

Lajmi kryesor:

Moti i keq/ Në Lezhë, lundrimi detar vijon të jetë i pezulluar! Në Shkodër priten reshje të dendura! Disa fshatra ende pa energji

M.T/Shqiptarja.com

TAG:
• parashikimi i motit
• moti
• stuhia ciaran
• Kukes
• Shkoder
• Lezhe