TIRANË- Pas një ore e gjysmë në ambjentet e Komisariatit nr.3 dhe nr.6, pesë protestuesit e Astirit janë liruar nga ambentet e Komisariateve nr.3 dhe nr.6. Pesë personat u ndaluan nga forcat "Shqiponja" menjëherë pas mbylljes së ditës së 28 të protestës në zonën e Unazës së Re. Në mbështetje të tyre në Polici shkoi deputeti i PD, Klevis Balliu.
Burime për Report Tv bëjnë me dije se policia ka ndaluar: Altin Çekun, Shkëlzen Sadikajn dhe Gëzim Sadikajn, ndërsa emrat e dy të ndaluave të tjerë ende nuk dihen. Menjëherë pas ndalimit të tyre, bashkëprotestuesit u mbledhën pranë ambjente të Komisaritatit nr.3 dhe nr.6, ku u shprehën se do të prisnin lirimin e 5 të ndaluarve.
Në një prononcim për mediat, njëra prej banoreve të zonës e pranishme në momentin e shoqërimit të banorëve, u shpreh se policia kishte ushtruar dhunë ndaj tyre teksa ata po përpiqeshin që të ndalonin shoqërimin në Polici të bashëprotestuesve.
Banorët e zonës prej disa kohësh kundërshtojnë projektin e Unazës së Madhe. Edhe gjatë zhvillimit të saj ditën e sotme, protesta u shoqërua me tensione mes banorëve dhe drejtuesve të mjeteve.
Disa prej shoferëve u shprehën të irrituar nga bllokimi i rrugës duke tentuar të kalojnë, por u penguan nga protestuesit, të cilët bllokuan rrugën në te dyja akset e saj. Por nuk ndodhi e njëjta gjë me një ambulancë, të cilën protestuesit e lejuan që të kalonte.
Në mbështetje të banorëve, si herët e kaluara kanë qënë edhe deputetët e opozitës Endrit Braimllari, Kejdi Mehmetaj, Edmond Spahio, Enkelejd Alibeaj, Klevis Balliu etj.
Para nisjes së protestës, banorët e zonës vendosën që të mbajnë një minutë heshtje për vdekjen e ish-presidentit amerikan Geogre H.W. Bush.
Protesta e banorëve të Astirit është mbështetur nga Partia Demokratike dhe kryetari Lulzim Basha prej disa ditësh. Banorët kundërshtojnë ndërtimin e Unazës së Madhe të Tiranës, pasi sipas tyre ky projekt prek shtëpitë e tyre. ARRSH ka sqaruar se banesat për të cilat kundërshtojnë banorët janë të palegalizuara, ndërkohë që Bashkia Tiranë ka ofruar zgjidhje për ta, bonusin e qirasë dhe strehimin nëpër banesa sociale. Protesta zhvillohet në një kohë kur IKMT vazhdon shembjen e banesave dhe pastrimin e zonës për të bërë të mundur nisjen e punimeve.
Pesë protestuesit e ndaluar pas protestës së sotme në zonën e Astirit, janë liruar pas një ore e gjysmë. 2 prej të ndaluarve ndodheshin në Komisariatin nr.6, ndërsa tre të tjerë ndodheshin tek Komisariati nr.3.
Deputeti i Lëvizjes Socialiste për Integrim, Endrit Braimllari ka qenë i pranishëm sot në ditën e 28-të të protestës së banorëve tek Unaza e Re. Në një prononcim për gazetarët e pranishëm në protestë, Braimllari ka akuzuar sërish kryeministrin Edi Rama se ka ‘urdhëruar’ arrestime të paligjshme.
“Edi Rama po ushtron presione nga më të ndryshmet për të shtypur protestën e banorëve të Unazës së Re, por banorët janë të vendosur për t’i shkuar dert në fund. Janë të vendosur për ta çuar deri në fund sepse i cënohet prona e tyre, të cilën e kanë ndërtuar me gjak në këto 28 vite. Të jeni të bindur që ashtu sikundër ndryshoi vendimin për arrestimin për z. Ylli, ashtu edhe të gjithë arrestimet e tjera janë të paligjshme. Sepse nuk mund të arrestosh një protestues i cili proteston për të drejtën e tij. Nuk mund të arrestosh një protestues i cili proteston për pronën që ruhet dhe mbrohet me Kushtetutën e vendit.”-tha Braimllari.
Protestuesit e tjerë të zonës së Unazës së Re janë mbledhur para ambjenteve të Komisariatit nr.6, nga ku edhe paralajmërojnë se do të presin lirimin e 5 bashkëprotestuesve të ndaluar nga forcat "Shqiponja". Të tjerë banorë të Unazës së Re janë mbledhur në Komisariatin nr.3, ku edhe ndodhen të ndaluarit e tjerë.
Bëhen të ditur tre nga emrat e pesë prej protestuesve të ndaluar nga forcat “Shqiponja”. Burime për Report Tv bëjnë me dije ndër të arrestuarit janë: Altin Çeku, Shkëlzen Sadikaj dhe Gëzim Sadikaj.
Burime për Report Tv bëjnë me dije se nga protesta e sotme tek zona e Astirit janë ndaluar 5 persona.
Pesë protestuesit e zonës së Unazës së Re që u shoqëruan pak çaste më parë nga forcat "Shqiponja" janë shoqëruar në polici nga deputeti i Partisë Demokratike, Klevis Balliu.
Pas përfundimit të protestës së banorëve tek zona e Unazës së Re, forcat "Shqiponja" kanë shoqëruar në Komisariat pesë persona me akuzën e zhvillimit të një proteste të paligjshme, prishje të rendit dhe qetësisë publike dhe bllokim të qarkullimit.
Një prej banoreve të zonës së Astirit ka rrëfyer momentin që forcat "Shqiponja" kanë shoqëruar disa prej protestuesve të zonës së Unazës së Re. Ajo thotë që mes të shoqëruarve është edhe një 13-vjeçar.
Ishin mbi 50-60 policë. Veç kemi parë që kanë kapur disa prej protestuesve, një 13-vjeçar dhe deputetin e PD-së, Klevis Balliu. U munduam që t’ua hiqnim duarsh. Ndër të arrestuarit është edhe Altin Çeku, Shkëlzen Sadikaj dhe Gëzim Sadikaj. Na kanë goditur edhe ne gratë, desh na shtypën me furgonin e policisë.
Banore e zonës
Deputeti i PD-së, Klevis Balliu gjatë protestës në Astir është pyetur se si e komenton deklaratën e kryetares së LSI-së, Monika Kryemadhi që kreu i Bashkisë së Tiranës, Erion Veliaj po punon shumë mirë.
Nuk komentoj deklaratat e të tjerave, unë di të them që Veliaj ka për detyrim që të vijë këtu dhe përballet me banorët.
Klevis Balliu, deputet i PD-së
Njëri prej të banorëve të Unazës së Re, i cili është shoqëruar në Polici për t'u marrë në pyetje në lidhje me aktet vandale (LEXO KËTU) ka folur për mediat gjatë protestës.
Unë kam qënë me duar në xhepa. Nuk bëra asgjë dhe më thirrën në Komisariatin nr.6. Më pyetën dhe i thashë që nuk po bëja asgjë veçse po protestoja së bashku me familjen time. Unë nuk jam shpellar. Do të vijoj të protestoj sepse kam 27 vjet që jetoj këtu.
Kujtim Ylli, protestues
Teksa banorët protestojnë, në zonën e Astirit ndodhen edhe forca të shumta policore të Komisariatit nr.6, të cilët e kanë vëzhguar situatën nga larg pa ndërhyrë në asnjë moment në protestën e banorëve.
Banorët e Unazës së Re i kanë liruar rrugën një ambulance, e cila kërkonte të kalonte për shkak të një urgjencë. Pas kalimit të ambulancës sërish banorët bllokuan rrugën në të dyja akset e saj.
Banorët kanë filluar që të bëjnë thirrjet e tyre gjatë protestës tek zona e Unazës së Re. Njëri prej tyre ka përsëritur premtimin që nuk do t'i lejojnë që të marrin shtëpitë e tyre.
Popullin nuk do ta shkelin asnjëherë. Ne nuk do t'i dorëzojmë shtëpitë tona. I kemi bërë me gjak. I bëj thirrje të gjithëve që të çohen në këmbë dhe të mbrojnë djersën e tyre.
Protestues
Gjatë protestës së banorëve të Astirit një prej makinave ka tentuar që të kalojë në rrugën e bllokuar prej protestuese. Por sërish makina nuk është lejuar që të kalojë, ndërkohë që rruga vijon të jetë e bllokuar në dy akset e saj.
Komente
Lajme të tjera
-
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Sot ndeshja Shqipëri - Ukrainë, Policia e Shtetit publikon planin e masave të ndërmarra! Ja rrugët që do të bllokohen
19 Nëntor, 12:16 -
Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje (VIDEO)
17 Nëntor, 22:21 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Prezantohen drejtorët e rinj të policisë në Tiranë dhe Durrës, Ministri u lë porosi: Zbardhni sa më shpejt vrasjet e fundit, rihapni hetimet për ngjarjet e vjetra
16 Nëntor, 10:15 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Rinovohen drejtorët e policive në 12 qarqe, ikin të gjithë të vjetrit, vetëm 1 mbijeton! Në Tiranë Elton Alushi zëvendëson Tonin Vocajn (EMRAT)
14 Nëntor, 16:02
-
Emrat e rinj të 12 drejtuesve të policive në qarqe! Ministri porosi vartësve: Zbuloni sa më shpejt autorët e Masakrës së Shkodrës! Bashkëpunoni me SHISH e prokurorinë
14 Nëntor, 13:12 -
Kryepolici Ilir Proda zhvillon vizitën e parë jashtë vendit, zgjedh Kosovën! Takohet me homologun Gazmend Hoxha: Bashkëpunim për goditjen e krimit dhe trafiqeve
12 Nëntor, 14:37 -
Gara për shefat e 48 komisariateve/ Publikohet lista me 290 emra, 9 prej tyre janë gra
12 Nëntor, 10:10
-
Gara për drejtor policie në qarqe/ Burime: 12 kandidatët me pikët më të larta emërohen drejtues, ikin aktualët! Listën e kryeson Vilson Bala, mbetin jashtë Vocaj e Panganika! Renditja e 38 emrave me pikët e fituara
10 Nëntor, 12:59
Ikni mor ka keni ardh o moter q.. keni zaptu tokat e huja nuk jan tokat tuja Palla karash
PërgjigjuSka faj populli faj eshte i politikes qe kemi , pasardhesit e komunisteve nga te dy anet . Put fare q keqe
Përgjigju