POP 5

Lajmet më të lexuara të 5 minutave të fundit

Arkiva

Rinumërimi i Shkodrës, Kolegji
do të vendosë pas dy ditësh

Kolegji Zgjedhor ka shtyrë për dy ditë vendimin për rinumërimin e votave të qarkut të Shkodrës, duke i lënë kështu hapësirë KQZ-së të vazhdojë rinumërimin, pavarësisht se pas dy ditësh, mund ta shpallë të pavlefshëm njësoj si për qarkun e Lezhës.
Kukës, Kolegji pranon provat e LSI-së
TIRANE- Kolegji Zgjedhor ka shtyrë për dy ditë vendimin për rinumërimin e votave të qarkut të Shkodrës, duke i lënë kështu hapësirë KQZ-së të vazhdojë rinumërimin, pavarësisht se pas dy ditësh, Kolegji mund ta shpallë të pavlefshëm atë proces njësoj si për qarkun e Lezhës.

Përfaqësuesi ligjor i PS-së, Koli Bele, njoftoi se "Kolegji, për arsye proceduriale, të kërkuara nga PR-ja, vendosi shtyrjen e vendimit për rinumërimin që po u bëhet, votave të Shkodrave, pas dy ditësh. Nuk ka ndonjë shqetësim nga PS-ja për rinumërimin që po bëhet në KQZ. Ne presim me qetësi vendimin e Kolegjit që në bindjen tonë do jetë i të njejtit standart me vendimarrjen e mëparshme lidhur me qarkun e Shkodrës.

PS-ja ka paraqitur sot ankimimin e saj për rinumërimin e votave të qarkut të Shkodrës, një vendim i jashtëligjshëm i marrë nga KQZ-ja, pasi ka tre ditë që ka përfunduar afati ligjor dhe njësoj si edhe për qarkun e Lezhës, vendimarrja ka qënë e paligjshme. KQZ-ja,”- përfundoi Bele, - “do ta vazhdojë ta përfundojë atë teatër absurd që ka nisur.”

ORA 14:00 PD E PR KERKOJNE PERJASHTIMIN E RELATORES GABA

Sot në mesditë,  procesi në Kolegjin Zgjedhor ku nisi shqyrtimi i ankimimit të PS-së për qarkun e Shkodrës mori rrjedhë tjetër. PD-ja e PR-ja kërkuan përjashtimin e relatores Gjinovefa Gaba, e cila sipas tyre ishte ndëshkuar me masë disiplinore nga ish-ministri i Drejtësisë Enkelejd Alibeaj në vitin 2008, që i kishte propozuar KLD-së shkarkimin e sajl por kërkesa e tyre u hodh poshtë. Gaba do të vazhdojë të gjykojë ankimimin e PS-së.

Vendimi për rinumërimin e votave në qarkun e Shkodrës u mor më 19 korrik nga 4 anëtarët e KQZ-së, pa kuorumin e nevojshëm prej 5 votash, pavarësisht kundërshtimeve të PS-së e LSI-së. KQZ-ja miratoi ankesën e republikanëve për rinumërim të votave, të cilët pretendojnë të marrin një mandat, që sipas tyre u ka shkuar demokratëve.

Redaksia online
(ar.sh/s.g/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

11 Janar, 10:43