POP 5

Lajmet më të lexuara të 5 minutave të fundit

Ekonomi

Rishikimi i buxhetit/ Shkurtohen fondet për bujqësinë, i ikin 250 mln lekë! Infrastruktura merr 5.2 mld lekë

Me rishikimin e fundit që pësoi buxheti i shtetit është rritur buxheti për transportin rrugor dhe është ulur për ministrinë e bujqësia. Sipas aktit normativ të hyrë në fuqi, fondet për bujqësinë janë shkurtuar me 250 milionë lekë, ndërsa për projektet rrugore janë shtuar me 5.2 miliardë lekë.

 

Me një sërë kantieresh të hapur, me projekte rrugësh të reja apo rehabilitimin e të vjetrave, fondet që kërkohen nga buxheti janë në rritje.

Përkundër sa pritej, që buxheti i Ministrisë së Bujqësisë të shtohej pasi ishte i pamjaftueshëm për të mbuluar nevojat e një sektori që prej vitesh është në recesion, me rishikimin e dytë që ka pësuar buxheti ka ndodhur e kundërta.

“Kemi rritur financimet shtesë për Ministrinë e Bujqësisë me 500 milionë lekë për skemën e granteve të fermerëve”, tha ministri i Financave në daljen e tij të parë si ministër nga mbledhja e qeverisë.

Por me ndryshimet e zbardhura që tashmë kanë hyrë në fuqi, buxheti i ministrisë së Bujqësisë është ulur nga 14.1 miliardë lekë në 13.9 miliardë lekë. Ndërsa shtesa prej 500 milionë lekësh që pohoi ministri është rialokim i brendshëm i buxhetit të kësaj ministrie, ku janë ulur fondet për zhvillimin rural, dhe janë shtuar tek zëri i infrastrukturës së ujitjes dhe kullimit.

E kundërta ka ndodhur me Ministrinë e Infrastrukturës dhe Energjisë, buxheti i së cilës është rritur me 7,2 miliardë lekë, ku 5.2 miliardë lekë i shtohen projekteve rrugore, dhe 2 miliardë lekë për furnizimin me ujë dhe kanalizime.

Me këtë rishikim të dytë janë shtuar edhe fondet për programin e rindërtimit, nga 7 miliardë lekë që ishin shkojnë në 9 miliardë lekë. Po ashtu i janë shtuar 1.4 miliardë lekë portofolit të Ministrisë së Brendshme që do të shpërndahen për kompensimin ushqimor të policive dhe për pagesën e orëve shtesë.

Me ndryshimin që pësoi buxheti, u rritën pritshmëritë për të ardhurat me 27 miliardë lekë, si dhe për shpenzimet po në të njëjtën vlerë. Të ardhurat për këtë vit planifikohet të arrijnë 714 miliardë lekë, ndërsa shpenzimet në 771.3 miliardë lekë.

BUXHETI I SHTETIT PËR VITIN 2024
                                   Ishte                       Bëhet
Të ardhurat            686,798 mln lekë       714,068 mln lekë
Shpenzimet           744,078 mln lekë        771,348 mln lekë
Deficiti                   57,280 mln lekë          57,280 mln lekë

 

BUXHETI PËR TRANSPORTIN RRUGOR
Ishte                24,083,544 mijë lekë
Bëhet              29,333,544 mijë lekë
Rritja                5,250,000 mijë lekë

 

BUXHETI I MINISTRISË SË BUJQËSISË
Ishte           14,180,500 mijë lekë
Bëhet          13,930,500 mijë lekë
Ulja               -250,000 mijë lekë

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Berisha refuzoi votën elektronike, që komisionerët e PD-PS të vjedhin votat e partive të reja! Vota e Diasporës jo e fshehtë, do kompromentojë zgjedhjet

Spahiu: Berisha refuzoi votën elektronike, që komisionerët e PD-PS të vjedhin votat e partive të reja! Vota e Diasporës jo e fshehtë, do kompromentojë zgjedhjet

23 Janar, 21:54