Ristani: Tahiri pjesë e trafikut të
drogës, u përgjua nga italianët

Partia Demokratike ka akuzuar për të disatën herë Ministrin e Brendshëm të vendit Sajmir Tahiri se është i përfshirë në trafikimin e lëndëve narkotike. Në një deklarëtë për mediat sekretari i përgjithshëm i PD Arben Ristani akuzoi ministrin se ka dekonspiruar informacionin e policisë italiane.

“Dekonspirimi i aksionit antidrogë për kapjen e grupit që trafikonte deri në 1 ton heroinë në vit në Itali dhe njëkohësisht kapja nga policia italiane e të tjerë avionëve të vegjël të ngarkuar në Shqipëri me narkotikë. Në të dy rastet, është policia italiane që ka informacionin dhe organizon aksionet. Në të dy rastet, është policia italiane që ka informacionin dhe organizon aksionet. Në të dy rastet, Saimir Tahiri, drejtpërdrejt i përfshirë. Eshtë dokumentuar nga partnerët, biseda e ministrit tonë të brendshëm me kokat e trafikut, duke u justifikuar para tyre, pas zbulimit të drogës në një banesë në Durrës. “Nuk e keni prej meje”, u thotë Tahiri kokave të trafikut”.- tha Ristani

Më tej Ristani ka vazhduar duke e akuzuar ministrin e brendshëm se pengon aksionet e policisë italiane dhe se i jep dorë bandave të drogës.

Deklarata e plotë e Arben Ristanit
Dekonspirimi i aksionit antidrogë për kapjen e grupit që trafikonte deri në 1 ton heroinë në vit në Itali dhe njëkohësisht kapja nga policia italiane e të tjerë avionëve të vegjël të ngarkuar në Shqipëri me narkotikë. Në të dy rastet, është policia italiane që ka informacionin dhe organizon aksionet. Në të dy rastet, Saimir Tahiri, drejtpërdrejt i përfshirë. Eshtë dokumentuar nga partnerët, biseda e ministrit tonë të brendshëm me kokat e trafikut, duke u justifikuar para tyre, pas zbulimit të drogës në një banesë në Durrës. “Nuk e keni prej meje”, u thotë Tahiri kokave të trafikut.

Po sigurisht nuk e kanë prej Saimir Tahirit, sepse ai është njëri prej tyre. Nuk e kanë prej Tahirit sepse ai është pjesë e këtij trafiku kriminal. Vetëm policia italiane po e lufton trafikun e drogës, dhe pengesa kryesore për ta është Saimir Tahiri. Eshtë pengesë për ta dhe lehtësi për bandat kriminale. Kapot e tonelatave me heorinë nuk u ndaluan, arritën të largohen në kohë. Lehtësim prej Saimir Tahirit. Avionët e vegjël të ngarkuar me drogë vazhdojnë të kalojnë në qiellin tonë drejt Italisë. Lehtësi prej Saimir Tahirit. Pra trafiku i drogës intensifikohet çdo ditë, sepse mafia ka Ministrin e Brendshëm në shërbim të saj.

Droga ka pikën kyçe, ka Saimir Tahirin. Dhe Saimiri vazhdon t’u shërbejë trafikantëve me besnikëri çdo ditë, Çdo ditë Saimir Tahiri bën krenar dhe te lumtur Edi Ramën. Këtu kemi arritur. Ky është fundi. Ka vetëm një kryeministër në botë që toleron dhe rreh shpatullat e narko-ministrit të brendshëm, ky është Edi Rama.

Redaksia online
(m,k/shqiptarja.com)