Rita Ora godet me paraqitjen në MTV VMA

Pjesë e MTV Video Music Award ishte edhe këngëtarja me origjinë kosovare Rita Ora. Paraqitja e saj është komentuar mjaft nga mediat e huaja duke u vlerësuar.

Gjatë kalimit të saj në tapetin e kuq ajo kishte veshur një fustan të bardhë dhe me një bisht të mbuluar nga puplat dhe të gjatë rreth gjashtë metra dizenjuar nga stilisti Alexandre Vauthier.



“Fustani është aq i madh sa ka nevojë për një asistent!”,-mësohet të ketë shkruar e përditshmja Daily Mail.

Gjithashtu nuk mbeti pa u komentuar edhe fustani tjetër i veshur nga Ora, i cili ishte i kuq. 



Mesa duket Rita dëshiron të tërheqë sa më shumë vëmendjen si dhe të krijojë emër në SHBA, pasi në Evropë ajo tashmë është mjaft e njohur dhe e pëlqyer.

Redaksia Online
(xh.k/shqiptarja.com)