Protesta e 11-të/ Një grusht njerëzish të Rithemelimit para bashkisë! Djegin goma, policia i fik me ujë! Spraj protestuesve, Balliut e Nallbatit t'i largojë

Tirane - Në protestën e 11-të, militantët e Rithemelimit u pakësuan sërish dhe vetëm një grusht i vogël njerëzish ju përgjigj thirrjes për të protestuar sot paradite kundër Bashkisë së Tiranës.

Skenari ishte po i njëjti: Një grumbull gomash që digjet, me të vetmin ndryshim që policia i përgjigjej çdo tentative për flakë, me fikëse zjarri

Në drejtim të efektivëve të policisë, disa herë u qëllua me vezë.

Të vetmet momente tensioni, ishin dy episode kur protestuesit hoqën disa blloqe betoni dhe muret metalike rrethuese si dhe tentuan të çanin kordonin e policisë. Në këtë moment, forcat e rendit ndërhynë me spraj djegës.

Në mungesë të Tedi Blushit, Klevis Balliu ishte i vetëm në aksion, ndërsa u lëndua nga spraji i hedhur në drejtim të tij. Edhe drejt Nallbatit u hodh spraj pasi ai goditi me shkelm një efektiv.

Argita Malltezi nuk mungoi as në këtë protestë, bashkë me Flamur Nokën, i cili gjithsesi qëndroi më i distancuar.

Gjatë protestës u shënua edhe një episod, ku protestuesit u përplasën me njëri-tjetrin për rradhën e fjalës, teksa në podium pritej të ngjitej Adriana Kalaja.

"Ne i kemi dhënë besën e fjalën Sali Berishës! Do të qëndrojmë në këmbë derisa të jetë në krye tonë" thotë Adriana Kalaja e cila merr dhe lejen në Polici për protestën.

Ndërkohë me mikrofon vijonte të nxiste ata pak militantë të dhunojnë:

'Bravo njërez të lirë! thotë ajo 

Pas një ore protestuesit u shpëndanë me thirrjen për një tjetër grumbullim të mërkurën e ardhshme.

Për shkak të protestës pati devijim të përkohshëm të qarkullimit të automjeteve në bulevardin kryesor pranë Bashkisë së Tiranës. Për këtë arsye u sugjerua që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.

Rendit zhvillimet sipas orarit:
Ora 17:37
VIDEO/ Protesta e Rithemelimit, momenti kur deputeti Bledion Nallbati godet me shkelm policin, ia kthen me spraj

Në protestën e sotme të Rithemelimit para bashkisë skenari ishte i njëjtë: Do të digjeshin gomat, por policia kishte marrë masat, reagonte menjëherë me fikëse zjarri.

Reagimi i policëve shtoi mllefin te protestuesit dhe deputetët, të cilët u përplasën edhe fizikisht me uniformat blu, por u përballën me spraj.

Në video është momenti deputeti Bledion Nallbati godet me shkelm efektivët dhe si përgjigje ata i hedhin spraj.

Ora 13:26
FOTO/ Protesta para bashkisë, Argitën e lënë vetëm! Klevis Balliu vesh bluzën e Sali Berishës përplaset me policinë për të

Vajza e ish kryeministrit Sali Berisha, Argita Malltezi ishte sërish sot në protestën e thirrur nga Rithemelimi para bashkisë së Tiranës.

Por protestuesit çdo ditë e më shumë ndërgjegjësohen se qëllimi i vërtetë i protestave është shpëtimi i familjes Berisha, prandaj cdo ditë e më shumë janë edhe më të pakët.

Sot Argita Malltezi u la e vetme edhe nga protestuesit.

Vajza e ish kryeministrit ishte veshur me bluzë të bardhë, ndërsa bluzën e stampuar me foton e kryeministrit, e kishte veshur ish-deputeti Klevis Balliu. Ky i fundit dhe ligjvënësi demokrat, Bledjon Nallbati u përplasën me policinë para Bashkisë Tiranë.

Teksa janë shtyrë me efektivët në përpjekje për të çarë kordonin policor në drejtim të tyre është hedhur spraj.

Te pranishëm në protestën e sotme kanë qenë dhe disa deputetë të tjerë mbështetës të Sali Berishës i cili prej dhjetorit 2023 vijon të jetë i burgosur në shtëpi.

 

Ora 12:43
VIDEO/ Protesta e Rithemelimit, Kalaja nxit militantët të godasin policinë: Bravo! I kemi dhënë besën Sali Berishës 

Adriana Kalaja nxit protestuesit në veprime të dhunshme.

Edhe pse leja në polici për protestën para bashkisë së Tiranës merret për të kërkuar dorëheqjen e kryetarit të bashkisë Erion Veliaj, qëllimi është tjetër

"Ne i kemi dhënë besën e fjalën Sali Berishës! Do të qëndrojmë në këmbë derisa të jetë në krye tonë" thotë Adriana Kalaja e cila merr dhe lejen në Polici për protestën.

Me mikrofon Adriana Kalaja vijon të nxisë ata pak militantë të dhunojnë

'Bravo njërez të lirë! thotë ajo 

Ora 11:24
Protesta para Bashkisë së Tiranës, militantët e Rithemelimit dhe PL grumbullojnë gomat për t’i djegur

Rithemelimi dhe Partia e Lirisë po mbajnë protestën e radhës te Bashkia e Tiranës.

Siç shihet edhe në këto pamje që sjell Shqiptarja.com, militantët e Rithemelimit duken teksa grumbullojnë gomat për t’i djegur para bashkisë.

Xh.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jimmy: 11/06/2024 04:29

    Po kjo llapaqene femer!nuk ka ligj per kete shkarravine femer per kete idiote????!nuk ja hodhen kesaj ate gazin ta cmontonin kete travesty femer!

    Përgjigju
  • Bogdan: 10/06/2024 17:58

    Mire ja boni!!! Dhe me ne fund e shofim policat me bombolat kunder zjarrit!! E lane name!

    Përgjigju
  • luan: 10/06/2024 13:35

    Ku eshte deputet Klevis Balliu ????

    Përgjigju
    • Baba: 10/06/2024 15:28

      Luan si mi ik tani

  • Ketamine: 10/06/2024 09:47

    Keta me shume dem I bejne vetes tyre dhe partive dhe u bejne qefin antishqiptarve kur shikojn te tilla skena.

    Përgjigju
  • XHA JAHO: 10/06/2024 08:27

    Zhdukeni nga bashkia ate zhuls kryetar bashkie. Ai meriton te jete ne burg bashke me 5 D e krijuar prej tij.

    Përgjigju
    • Timi: 10/06/2024 17:06

      Pse vetem Saliu po Ramushin Erjon fikun Mulin

    • Xha Taqi: 10/06/2024 16:44

      Keta te PD-se nuk e kuptojne,se duke bere gjithe kete rremuje vetem largojne njerez nga vetja.Si nje njeri qe kam votuar per PD-ne e shoh te neveritshme kete rruge te shemtuar djegjesh(qe ndotin ajrin e plot qytetareve dhe is herbejne vetem qellimeve te familjes Berisha).Mjaft me duke mbrojtur Berishen!Mjaft me noken,Balliun plehre dhe te shemtuar dhe pjese e nje familje hajdute te nje kompanie te krijuar nga Babai.Mjaft me Blush servilin e Ilirit dhe psikopaten Kalaja.Or Belind!Kisha mendim tjeter per ty deri para pak kohe dhe te votova per Tiranen,por ti qenke nje bythelepires i familjes se shemtuar dhe hic fare i zgjuar.Shkolla ne USA paska qene shkolle koti,sepse nuk te paska edukuar dhe ngritur intelektualisht,por te ka len ai qe ke qene,servil dhe bythelepires si shume shqiptare te tjere perfitues.

  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Ndeshja me Spanjën, tifozët: Urojmë fitoren e kombëtares, të ‘shpërthejë’ stadiumi

Ndeshja me Spanjën, tifozët: Urojmë fitoren e kombëtares, të ‘shpërthejë’ stadiumi