Profesionet e lira do të deklarojnë të ardhurat me formularët aktualë tatimorë, derisa të jenë gati në 2025 formularët e rinj. Pas hyrjes në fuqi në 1 janar të taksimit për profesionistët e lirë, përmes një akti normativ, që lidhet me rishikimin e ‘ligjit për tatimin mbi të ardhura’, të miratuara në komisionin e ligjeve, qeveria shtyn në kohë ato pika që nuk zbatohen dot për shkak të infrastrukturës. Por sipas zv. Ministres së Financave Vasilika Vjero akti normativ nuk cenon zbatimin e detyrimeve tatimore që kanë hyrë në fuqi tashmë.
‘Rishikimi i sistemit në QKB dhe në DPT, rikategorizim i tatimpaguesve, deklaratat e reja tatimore, duhen parë një ndryshim edhe në sistem për t’u përshtatur me situatën aktuale. Duke analizuar situatën ku ndodheshim, Akti normative shtyn ne kohe disa proces, por jo zbatimin e ligjit. Akti normativ lejon perdorimin e formularëve aktuale, deri në fillim 2025, por nuk cenojnë detyrimet tatimore të bizneseve, si dhe të ardhurat e planifikuara në buxhet.’- tha zv.ministrja e Financave Vasilika Vjero.
Po në komisionin e ligjeve u miratua akti normativ që lidhet me marrjen e masave urgjente për trajtimin e ujërave të ndotura, para se të derdhën në dete e lumenj nga subjektet. Zv. Ministrja e Infrastrukturës dhe energjisë Enkelejda Muçaj tha se kjo ndërhyrje ligjore erdhi pas problematikave të konstatuara në terren në 2023 ku rezultoi se janë rreth 9000 subjekte që shkaktojnë ndotje mjedisore, pasi nuk trajtojnë ujërat e ndotura.
‘Ndodhemi në situatë emergjente, nga ajo që u konstatua. Duhet të kemi zgjidhje të tilla që subjektet të zbatojnë zgjidhje të shpejtë. Për 90 ditë subjektet e përcaktuara duhet të paraqesin, vendosjen e impianteve dhe për trajtimin e tyre. 10 ditë pas miratimit të aktit. Do ngrihet një task forcë pranë AKU, që do ndjek në terren subjektet që duhet të marrë masa për trajtimin e ujërave të ndotura dhe derdhjen e tyre në ujërat larës. Pra të jenë të trajtuara para se të derdhen në ujërat larës. Sjell përfitime në buxhet, do ngrihet task forcë 1 vjeçare për ndërhyrjen dhe trajtimin e ujërave të ndotura 323 mln lekë.’- u shpreh Enkelejda Muçaj, zv.ministre e Infrastrukturës dhe Energjisë.
Ndërkaq relatori Eduart Ndreca tha se miratimi i aktit është i vonuar, pasi ndotja nga shkarkimet e ujërave të ndotura mbetet një nga shqetësimet kryesore në vend, sidomos në zonat turistike. Ai tha se komisioni duhet të monitorojë zbatimin e aktit dhe të jetë i informuar për atë që ndodh në terren.
Ashtu si në muajt e fundit të sesionit të kaluar, komisionet këtë të martë u zhvilluan online, pas kaosit në seancën e një dite më parë nga opozita, dhe paralajmërimit se do vazhdojnë të bëjnë të njëjtën gjë edhe në komisione.
Lajme të tjera
-
Profesionistët e lirë/ Tatimet: Mbi 7 mijë profesionistëve iu rikthyen 6 mln euro! Çelmeta: 600 prej tyre nuk kanë deklaruar llogaritë
20 Dhjetor, 17:59
-
Pr/ligjet e miratuara në Kuvend/ Rimbursohen profesionistët e lirë që paguan këstet e tatim-fitimit! Ngrihet shërbimi rezervist
19 Dhjetor, 23:23 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Profesionet e lira, Ministria e Financave te ‘Ligjet’: Rimbursimi brenda 30 dhjetorit! Çupi: Dështimi i radhës
16 Dhjetor, 14:42 -
Tatimet: Gati të rimbursojmë profesionistët e lirë, saktësoni të dhënat e llogarive bankare
3 Dhjetor, 14:45 -
Komisioni i Ligjeve miraton nismën për Forcën Rezerviste, ministri Vëngu: Synojmë rreth 2100 deri në vitin 2030! Rezervistë edhe në diasporë, misione jashtë vendit
26 Nëntor, 16:36
-
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
‘Tendera korruptiv në Bashkinë Tropojë’, Bardhi tek Komisioni i Ligjeve: SPAK të veprojë, Këshilli i Ministrave të shkarkojë Rexh Byberin
15 Nëntor, 12:45 -
Debate te Komisioni i Ligjeve/ 'Dosja I.M.', Bardhi: Na tronditët Nikollën, Balla lidhi kokën me shami, çfarë u bë me të? U keqpërdorët! Sula: Na dilte i paverifikuar, s'merremi me politikë
12 Nëntor, 12:01 -
Ligjet/ Bardhi akuza Prokurorit të Përgjithshëm: Olsian Çela s’ka kapur as standardin e Arta Markut! S’kemi marrë asnjë përgjigje për individët me rekorde kriminale
8 Nëntor, 14:00
