Rivlerësimi i pronave ende nuk ka arritur në shifrat e parashikuara nga Kadastra Shqiptare dhe shkak për këtë është pandemia COVID-19, e cila në tre muaj të vitit 2020 thuajse e stopoi këtë proces. Sipas të dhënave të Kadastrës deri më tani janë bërë në total 35,054 rivlerësime pronash, nga të cilat ende janë pa u paguar nga qytetarët 12,258 rivlerësime pronash.
Ndërkohë në total sipas të dhënave kanë aplikuar për këtë proces 38,125 qytetar, dhe janë në proces duke u punuar edhe 3,071 dosje, për të vendos më pas nëse janë për tu rivlerësuar apo kanë probleme. Ligji për rivlerësimin e pronave ju jep të drejtën 50 mijë qytetarëve që ta kryejnë këtë proces, nëpërmjet të cilit afrojnë çmimin e pronës së tyre me vlerën e tregut.
Ata që bëjnë rivlerësimin do të paguajnë tatimin në vlerën e 3% të diferencës mes çmimit me të cilin është blerë një apartament apo një pronë tjetër e paluajtshme dhe atij me të cilin do ta shesin atë, nga 15% që është normalisht. Ndërsa për rivlerësimin e biznesit tatimi është 5%.
Qytetarët nga rivlerësimi përfitojnë në momentin e shitjes së pronës, pasi nëse një banesë është blerë 100 mijë euro dhe pronari do e shiste për 120 mijë euro ai do të paguante 15% tatim për diferencën prej 20 mijë eurosh, që është 3 mijë euro.
Ndërsa tanimë qytetari paguan 3% tatim ose 600 euro për rivlerësimin e pronës dhe kur e shet nuk paguan më tatim. Afati zyrtar për të kryer këtë proces përfundon në 30 shtator 2021 dhe në buxhet është parashikuar të arkëtohen 6 miliardë lekë.
Ky është rivlerësimi i tretë që po bëhet dhe ka regjistruar edhe interesin më të ulët nga qytetarët, pasi në vitin 2011-2013 u rivlerësuan 95 mijë banesa ndërsa ligji më i fundit për rivlerësimin e pasurive të paluajtshme, i ngjashëm me të tanishmin, ka qenë në fuqi për një periudhë të kufizuar nga 20 gushti 2016 deri më 31 maj 2017, për 63 mijë pasuri. Në rivlerësimet e para tatimi ka qenë më i ulët, dhe sipas vlerësuesve të pasurive tatimi 3-5% është pengesë për të pasur një fluks më të madh.
Lajme të tjera
-
Legalizuan pallatin me 4 kate pa leje, pezullohet nga detyra drejtori i Kadastrës së Lezhës dhe përgjegjësi i legalizimeve! Në hetim ndërtuesi
21 Shkurt, 08:56 -
S'i kaluan shtetit 235 mijë m2 tokë, Gjykata e Lezhës lë në fuqi pezullimin e 11 punonjësve të Kadastrës
30 Janar, 17:26
-
Shqiptarët paguan nga xhepi 141 mln euro për blerjen e produkteve farmaceutike më 2023, financuan 55% të konsumit
29 Janar, 11:02 -
Pezullimi i 11 punëtorëve të Kadastrës në Lezhë, Report Tv siguron vendimin: Gjykata kishte refuzuar që prona të konfiskohet dhe t'i kalojë shtetit
28 Janar, 11:01
-
Nuk kthyen në tokë shtet 234 mijë metra katrorë të tjetërsuar tek Rana e Hedhun, pezullohen nga detyra 11 zyrtarë të Kadastrës së Lezhës (EMRAT)
27 Janar, 15:10
-
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Sarandë, emërohet drejtori i ri i Kadastrës! Largohen nga detyra 5 bashkëpunëtorët e Aida Demit, u shkarkua se legalizoi truall për hotel në det
16 Janar, 15:26 -
Gjykata Kushtetuese pezullon ligjin për kompensimin e pronave
9 Nëntor 2023, 16:58 -
Ndryshon buxheti i Kadastrës, shtohen 4,5 mln euro fonde për shpenzimet e pagave të punonjësve të organikës dhe me kontratë
29 Gusht 2023, 21:39 -
Shërbimet e Kadastrës në e-Albania, Rama: Noterët e ‘hienat’ janë bërë nervozë, s’ka më korrupsion
23 Gusht 2023, 13:24 -
‘Shtetëzohet’ sigurimi i banesave nga tërmeti! Nëse s’paguan nuk merr asnjë shërbim në e-Albania as në Kadastër
8 Gusht 2023, 08:22
-
Tjetërsuan pronë në bregdetin e Vlorës me vlerë 8 milionë euro, Gjykata dënon me 2 vite burg ish-drejtorin e Kadastrës në Vlorë! Burg edhe për ish-drejtorin Bardhyl Gjika
6 Korrik 2023, 14:36
