Rizgjedhja e Sali Berishës në krye të Partisë Demokratike pa asnjë rival në garë tregon se PD vazhdon të mbetet “e pushtuar” dhe pa demokraci të brendshme. Kështu u shpreh analisti Ilir Yzeiri, në një intervistë për emisionin ‘Sot Live në Shqipëri’ në Report TV, duke shpjeguar se problemi nuk lidhet vetëm me Berishën, por edhe me mentalitetin politik në Shqipëri, ku sipas tij shoqëria vazhdon të prodhojë liderë dominantë por jo liri apo konkurrencë reale brenda partive.

“Demokracia duhet të vijë nga brenda. Ne e kemi importuar nga jashtë. Nuk funksionon kështu”, tha Yzeiri,

Sipas tij, në këtë fazë të jetës politike, Sali Berisha nuk mund të ndryshojë më mënyrën e të bërit politikë.

“Berisha nuk është demokrat. Nuk mund t’ia mësojmë tani demokracinë në moshën 82-vjeçare. Jemi ne që e mbajmë Berishën aty. Ne nuk e lëmë të largohet sepse ne vetë nuk prodhojmë liri”, deklaroi ai.

Yzeiri tha se PD-ja është “e pushtuar” dhe sipas tij duhet fillimisht të “çlirohet” që të ketë mundësi të fitojë politikisht. Sipas tij, politika shqiptare vazhdon të mbetet e bllokuar mes dy kampeve që vetëm kundërshtojnë njëri-tjetrin, ndërsa sipas tij mungon një projekt i përbashkët për vendin.

“Ne nuk kemi një projekt shqiptar. Kemi 2 forca që kundërshtojnë njëra tjetrën. Njëra është aleatja më e ngushtë e Belerit, sepse do të ruajë pushtetin” tha Yzeiri.

Sipas Yzeirit se gjatë qeverisjes socialiste ka pasur zhvillime dhe përparime që nuk mund të mohohen, por sipas tij për të pasur një qeverisje më të mirë duhet që të dyja anët e politikës të ecin në të njëjtin nivel.


Lajmi kryesor:

Kushtetuesja riktheu kërkesën e Veliajt për liri në GJL, Yzeiri në Report TV: Po përpiqet të ruajë balancat, sistemi i drejtësisë i marrë peng nga disa prokurorë