POP 5

Lajmet më të lexuara të 5 minutave të fundit

Kronikë

Rokada e drejtorëve në polici, Sadedin Fishta për Report Tv: Drejtuesit kryesorë të lëvizin me gjithë stafin! Të luftosh krimin duhet të kesh besim tek eprori

Krimi nuk luftohet pa besimin në radhët e policisë, thotë për Report Tv, kreu i Sindikatës së Policisë Sadedin Fishta, i cili beson në një reformë ku  ndryshimet duhet të ishin bërë sipas përvojave evropiane, drejtuesit të levizin bashkë me këshilltarët

Krimi nuk luftohet pa besimin në radhët e policisë, thotë për Report Tv, kreu i Sindikatës së Policisë Sadedin Fishta, i cili beson në një reformë ku ndryshimet duhet të ishin bërë sipas përvojave evropiane, drejtuesit të levizin bashkë me këshilltarët.

Për kryesindikalistin e policëve, Sadedin Fishta, rokada e drejtorëve ditët e fundit në Policinë e Shtetit, nuk do të sjellë asgjë. Pasi ajo nuk është reformë që ofron rezultate në luftën kundër krimit.

“Në qoftë se do t’i referohemi praktikave të tjera europiane, zakonisht drejtuesit kryesor të Policisë së Shtetit, i gjithë stafi bashkë me kabinetin e tij lëvizin. Në rastin konkret të gjithë duhet të kishin lëvizur, drejtori bashkë me të gjithë këshilltarët, nëse do të kishim të bënim me reformë në Policinë e Shtetit”, shprehet Fishta.

Me vendim të kryepolicit Ardi Veliu, nëntë drejtues të policisë në qarqe u ndryshuan. Fishta problemin e sheh tek besimi.

“Që të luftosh krimin duhet të kesh besim tek shoku, tek eprori. Fakti që këtu thyhet ky besim, bie performanca. Bie dëshira për t’a luftuar krimin në një strukturë të veçantë”, thotë Fishta.

Për kryetarin e sindikatës, rrëzimi i ligjit për përgjimet nga Kushtetuesja, nuk cënon rolin e policisë.

“Them se nuk ndryshon ndonjë gjë, nuk është se Policia e Shtetit do t’a ndjej veten më pak inferior në realizimin e sigurisë. Edhe pse Gjykata Kushtetuese nuk ia dha këtë kompetencë, ajo do të vazhdoj punën e saj me kompetencat që ka pasur. Besoj që tek policia, tek trupa e policisë nuk ka pasur ndonjë ndikim pozitiv”, shprehet Fishta.

Emra të rëndësishëm janë emëruar në qarqet më problematike, aty ku niveli i krimit ka pasur rritje në gjashtë muaj, por kritikët besojnë se ajo ishte thjesht një rokadë dhe jo reformë që sjellë rezultate.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodran: 06/07/2021 18:56

    Ti Sadedin nuk di asgjë!! Je një argat në policinë e shtetit që dikur u ke mësuar fiskulturë policëve dhe jo oficerëve! Për më tepër je i caktuar dhe nuk je i zgjedhur fakt që të bën të dyshosh kryekëput në misionin tënd. Vetëm drejtori i përgjithshëm mund të lëvizë bashkë me stafin jo drejtorët vendor! Nëse drejtori vendor ndërron shefin e krimeve, shefin e drogës dhe krimit ekonomik dihet se i ndërron për xhepin e vet prandaj e ke gabim shoku Fishta!! Bën mirë të sfidosh vetveten, të japësh dorëheqjen dhe të organizosh zgjedhjet e lira në sindikatën e policisë, siç e ka edhe bota që e përmend!!

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58