Kandidati i Partisë Demokratike për Bashkinë e Tiranës, Roland Bejko zhvilloi një takim me banorët e Astirit. Në këtë takim Bejko u ndal te pikat e programit, në të cilat tha se angazhohet për ndërtimin e shkollave, kopshteve dhe çerdheve në këtë zonë e cila sipas tij është lënë jashtë vëmendjes së Bashkisë dhe kryebashkiakut aktual Erion Veliaj.
Teksa dëgjoi shqetësimet e banorëve, Bejko u shpjegoi se sipas programit që Partia Demokratike ka hartuar, edhe në këtë zonë do të ndërtohen shkolla, kopshte dhe çerdhe vetëm 15 minuta larg banesës së qytetarëve, njëjtë si standardet që kërkon Bashkimi Europian.
“Ne kemi program që në çdo lagje do ketë një shkollë 15 min larg banesës së qytetarit, janë kriteret që ka vënë BE dhe ne do t’i zbatojmë. Kopësht, çerdhe, shkollë 15 minuta larg banesës. Që do të thotë s’do ketë më shkolla me 40 nxënës dhe s’do ketë më shkolla me dy dhe tre turne siç ndodh sot. Do të jetë prioritet i joni, i të gjitha prioriteteve. Se çështjet e edukimit janë ato që mbajnë një shoqëri në këmbë.
Një shkollë me të njëjtat parametra, më të njëjtin numër nxënësish dhe sipërfaqe, në Itali bën 3 mln euro, në Shqipërinë e Erion Velisë bën 5, 6 apo 7 milion euro, gati dyfishi i çmimit. Ne që se kemi mendjen të vjedhim dhe që s’jemi peng i oligarkëve që ta diktojnë ata se çfarë do të ndërtojmë, ku do ta ndërtojmë dhe me çfarë çmimi do ta ndërtojmë, jemi të çliruar nga këto ngarkesa. Kështu që do të punojmë për qytetarët dhe qytetin tonë”, tha Bejko.
Kandidati demokrat u ndal edhe në raportin e AMA-s për monitorimin e mediave gjatë fushatës zgjedhore. Bejko tha se mediat po i japin Berishës kohën televizive që i takon me ligj Partisë Demokratike.
“Sapo u publikua edhe raporti i AMA, agjencia që merret me monitorimin e medias, dhe na doli që Foltorja, pra Berisha ka marrë gjithë kohën televizive në të gjitha mediat. Ja ka kaluar edhe Ramës, se Rama ia ja vënë në dispozicion. Nga mëngjesi deri në darkë rri na akuzon ne si bashkëpunëtorë të Ramës dhe Veliajt dhe nga ana tjetër faktet flasin vetë. Neve na takon koha televizive me ligj, kohën tonë televizive e merr Foltorja. Prandaj kjo më motivin edhe më shumë për të luftuar kundër oligarikisë politike, mediatike, financiare se këto janë bërë një botë që nuk lënë hapësirë për asnjë tjetër. Janë bërë një trup dhe kanë pushtuar gjithçka, kanë marrë Tiranën, kanë marrë ekonominë, kanë marrë politikën, kanë marrë mediat, po na marrin pronat”, tha Bejko.
Ndalesa e radhës e kandidatit të Partisë Demokratike për Tiranën, Roland Bejko, ka qenë njësia nr.5 në kryeqytet, ku ka pasur një mesazh për të rinjtë. Ai u ka kërkuar që të mos heshtin apo të jenë indiferentë, por të reagojnë dhe të angazhohen për të mirën e vendit.
“Më zuri gjuha lesh, se lesh në kokë nuk kam, duke u thënë studentëve, angazhohuni, bëhuni pjesëmarrës, reagoni, mos ktheni kurrizin kur shikoni një njeri të politikës, por dilni përballë dhe thojini se çfarë duhet të bëjë, për Tiranën, për Bashkinë, kushdo qoftë”, tha Bejko.
Në takimet me qytetarët, ai ua bëri të qartë se kjo PD është e ndarë nga Sali Berisha.
Roland Bejko: Do përpiqemi që të bëjmë një lider me vlerë, por edhe një parti me vlerë, do bëjmë një PD të djathtë…
Qytetari: Jeni me Sali Berishën?
Roland Bejko: Jo jemi ndarë.
Komente
Lajme të tjera
-
112-vjetori i Pavarësisë, Tirana vishet kuqezi! Nesër në bulevardin 'Dëshmorët e Kombit' parada e shqiptarëve nga të gjitha trevat (FOTO + VIDEO)
27 Nëntor, 20:09 -
FOTOLAJM/ Presidenca ‘vesh’ dekorin e festave, ndriçohet nga drita shumëngjyrëshe
27 Nëntor, 18:40 -
‘Drejtësi për Martinin!’ Marshim protestë për sigurinë, por pa bojkot në shkolla
27 Nëntor, 18:22 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
Akti normativ/ 501 mln lekë u kthehen profesionistëve të lirë! Ministri Malaj: Brenda datës 31 dhjetor 2024 përfundon procesi i rimbursimit
27 Nëntor, 11:04
-
Protesta e 26 nëntorit/ Goditën e ofeduan policët, 15 deputetë të opozitës hetohen si organizatorë! Arrestohen 2 militantë, 64 në hetim (EMRAT)
27 Nëntor, 09:26
-
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
-
Protesta e PD-së, Kreshnik Çollaku për Report Tv: Ia arritëm qëllimit! Ja 3 rrugët për 'Qeverinë Teknike'
26 Nëntor, 19:42 -
DINAMIKA/ Çfarë dimë deri më tani për vrasjen e Martin Canit? Ende mungon ekspertiza e vdekjes! Shoku i autorit dërgohet në vendin e ngjarjes, tregon si nisi sherri
26 Nëntor, 18:19 -
Ekskluzive/ Një grusht militantësh në protestë, Report Tv sjell pamjet me dron! Ja pjesëmarrja në rrugën e Elbasanit dhe Bashkia e Tiranës
26 Nëntor, 17:21
Pse larg vetem 15 min.,pse jo ne cdo bodrum pallati?! Nga i /psonisni/ keto lloj idesh //gjeniale//.Ne asnje vend te botes nuk e ke te zbatuar nje gje te tille,se i bie te kete me shume shkolla se pallate.Ne vend te kesaj ideje,me mire propozo shtimin e autobuzeve e furgoneve shkollore.
PërgjigjuAshtu si u nda Saliu nga Diktatura. Dhe ju jeni ndarë nga Saliu. I besoni këto që thoni?
Përgjigju