Romani i ri i Namik Dokles,historia
e treguar nga “Vajzat e mjegullës”

TIRANE- Deputeti i Partisë Socialiste, Namik Dokle, ka zhveshur për pak kohë kostumin e politikanit për të provuar të vijë pranë lexuesve si autor i një romani. Në një intervistë për gazetën Shqiptarja.com, ai tregon për “Vajzat e Mjegullës”, si një roman i frymëzuar nga jeta e tij e fëmijërisë, dhe që përpiqet të shtrihet në jetën e sotme, ku secili gjen veten nga jeta e dëshpëruar tek shpresa për një sinjal më të mirë, nga mjegulla në pritje të vajzave. Një roman me protagonistë pa emra, me të cilin Dokle guxon të rrokë lexuesit nga adoleshentët tek intelektualët.

Teksa rrëfehet për inspirimin për të botuar këtë libër bazuar mbi një ditar 20 vjeçar të xhaxhait të tij, Namik Dokle zbulon se edhe ai ka mbajtur ditar në çdo ditë të jetës së tij politike, i cili mund të botohet në të ardhmen.