Romeo dhe Zhuljeta ranë nga ballkoni, drejtori i teatrit të Hungarisë jep dorëheqjen

Romeo dhe Zhuljeta ranë nga ballkoni, drejtori i teatrit të Hungarisë jep dorëheqjen

Aktorja Julia Szász gjatë një shfaqjeje të Romeo dhe Juliet në 2021

Dy aktorë janë plagosur rëndë pas shembjes së ballkonit gjatë një improvizimi të Romeo dhe Zhuljetës në Hungari. Pas kësaj ngjarjeje, shefi i teatrit të Hungarisë ofroi dorëheqjen.

28-vjeçarja Julia Szasz, duke luajtur Zhuljetën, dhe 60-vjeçari Otto Lajos Horvath, që luan babanë e saj, Lord Capulet, janë në një gjendje të rëndë por të qëndrueshme në spital pas aksidentit të frikshëm mbrëmjen e së premtes.

Mjekët e ndihmës së shpejtë mjekuan aktorin dhe aktoren pasi ata ranë nga një lartësi gjatë aktit të dytë të shfaqjes në kryeqytet, Budapest. Lëndimet e tyre ishin aq të rënda sa Szasz dhe Horvath hynë menjëherë në sallën e operacionit. Detajet e sakta të incidentit nuk bëhentë ditura.

Drejtori i Teatrit Kombëtar Attila Vidnyanszky dha dorëheqjen të hënën në mëngjes, “duke pranuar përgjegjësinë e tij… si rezultat i aksidentit”, raporton BBC.

Ministri hungarez i kulturës, Janos Csak, ka hedhur poshtë fjalët se ishte ai që shkarkoi drejtorin. Në një deklaratë të shpërndarë të martën, Teatri Kombëtar tha se Vidnyanszky dhe Csak vizituan aktorët në Klinikën e Traumatologjisë të Universitetit Semmelëeis.

“Sipas mjekëve, gjendja e dy artistëve të plagosur, Jalia Szasz dhe Otto Lajos Horvath, po përmirësohet”, tha Csak.

Në një deklaratë të premten, më 10 nëntor, Vidnyanszky tha:

“Performanca jonë e Romeo dhe Zhuljetës të premten u ndërpre gjatë aktit të dytë për shkak të aksidentit të Julia Szasz dhe Otto Lajos Horvath. Mjekët e ndihmës së shpejtë që mbërritën në një kohë të shkurtër i dhanë kujdes profesional dy artistëve në vend dhe më pas i transportuan në spital. Ata janë në gjendje të mirë. Për hir të paqes shpirtërore, i kërkojmë stafit të shtypit që për momentin të mos kontaktojë me pyetjet e tyre”.

Tragjedia e Uilliam Shekspirit e vitit 1594, Romeo dhe Zhuljeta, tregon historinë e dy adoleshentëve italianë nga familje të grindura që bien në dashuri. Dyshja ndajnë një moment intim në një ballkon dhe planifikojnë një martesë të fshehtë.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Listat e deputetëve të hapura në 2/3 dhe jo plotësisht, jeni dakord?



×

Lajmi i fundit

Pazari Berisha-Rama antikushtetues/ Spahiu: Lista e mbyllur quhet emërim, Lista e hapur zgjedhje

Pazari Berisha-Rama antikushtetues/ Spahiu: Lista e mbyllur quhet emërim, Lista e hapur zgjedhje