POP 5

Lajmet më të lexuara të 5 minutave të fundit

Politikë

Rrëzohet kërkesa e PD
për të hetuar “policinë”

Konferenca e Kryetarëve rrëzoi kërkesën e Partisë Demokratike për të ngritur një grup hetimor për të hetuar lëvizjet që janë bërë në Policinë e Shtetit.
TIRANE- Konferenca e Kryetarëve rrëzoi kërkesën e Partisë Demokratike për të ngritur një grup hetimor për të hetuar lëvizjet që janë bërë në Policinë e Shtetit. Në Konferencën e Kryetarëve përfaqësuesit e mazhorancës theksuan se Kuvendi nuk mund të hetoj diçka të tillë pasi nuk është bërë as një herë më parë. Kjo deklaratë u bë nga kreu i grupit parlamentar socialist, Gramoz Ruçi i cili theksoi se çështja e lëvizjeve së burimeve njerëzore nuk mund të merret nën hetim nga ana e legjislativit. “Është e drejtë e Kuvendit të ngrejë komisione hetimore, por nuk ka pasur në 23 vitet e fundit asnjë komision që të hetojë emërimet dhe shkarkimet e një ekzekutivi. Përveç kësaj keni përdorur edhe një mjet tjetër ligjor, keni bërë kallëzim penal në Prokurori pikërisht për emërimet në Policinë e Shtetit.”,- theksoi Ruçi.

Por ky refruzim i bërë nga ana e Kuvendit solli edhe reagimin e PD-së. Edi Paloka, kreu i grupit parlamentar demokrat theksoi se argumentet e përdorura nga mazhoranca për refuzimin e kërkesës së tyre ishin absurde. “Nuk u pranua kërkesa për komisionin hetimor dhe maxhoranca do të votojë kundër në seancë për këtë komision me justifikimin se ne nuk kemi pasur deri më sot komisione hetimore për çështje të tilla”,- theksoi Paloka.

Kërkesa e depozituar nga Partia Demokratike për ngritjen e komisionit hetimor bie ndesh me fuqinë që ka Kuvendi i Shqipërisë. Kjo pasi PD në datën 11 tetor ka depozituar në Prokurori padinë penale ndaj Kryeministrit dhe Ministrit të Brendshëm lidhur me të njëjtën akuzë, zëvendësimet në burimet njerëzore të Policisë së Shtetit. Kësisoj, Kuvendi i Shqipërisë nuk mund të hetoj paralelisht të njëjtën çështje që është duke hetuar Prokuroria pasi në këtë mënyrë shkelet kompetencat e institucionit të hetimit i cili është edhe një organ i pavarur në strukturat e shtetit shqiptar.

Në këtë mënyrë Partia Demokratike duket sikur ka bërë një autogol pasi kërkesa e tyre për ngritjen e komisionit hetimor mund të bëhej e ligjshme vetëm nëse PD do të tërhiqte padinë në Prokurori. Veç kësaj, lidhur për të njëjtën çështje, deputeti i PD-së Arben Ristani, rreth dy muaj më parë kërkoi një interpelancë me Kryeministrin Edi Rama, nga e cila kreu i ekzekutivit iu përgjigj kërkesave të opozitës. Krahas kësaj, Konferenca e Kryetarëve shtyu me konsensus të të gjitha palëve shqyrtimin e amendamenteve për shkarkimin e anëtarëve të AMA-së. Kërkesa u bë nga Genc Pollo o cili theksoi se është duke u pritur konsulenca e OSBE-së e cila do të vij me ekspertët e saj pas 2 javësh në Tiranë.
 

Shkrimi u publikua sot (04.02.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aboneja falas për pensionistët dhe studentët, Veliaj: Tirana si familje, që kujdeset nga më të vegjlit deri te gjyshet dhe gjyshërit

Aboneja falas për pensionistët dhe studentët, Veliaj: Tirana si familje, që kujdeset nga më të vegjlit deri te gjyshet dhe gjyshërit

11 Janar, 13:52