SHIJAK- Policia e Shijakut ka arrestuar mëngjesin e sotëm një 27 vjeçarë pasi u kap duke ushtruar dhunë mbi bashkëshorten.

I arrestuari është Zeqir Nurka 27 vjeç, banues në Shijak, i cili ka qenë dënuar më parë për veprën penale" Kundërshtimi I punonjësit të policisë së rendit publik".

Nurka, për motive të dobëta ka ushtruar dhunë fizike ndaj bashkëshortes së tij, 18 vjeçares me inicialet L.B. 18.

Me të marrë njoftim, në ndihmë të 18 vjeçares kanë shkuar punonjësit e Policisë dhe gjatë kontrolli të ushtruar në banesë kanë gjetur dhe sekuestruar në cilësinë e provave materiale:
• një armë zjarri automatik, tip kallashnikov, model 56, kalibër 7.62 mm;
• një krehër me 30 fishekë.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale" Dhunë në familje" dhe " Prodhimi dhe mbajtja pa leje e armëve dhe municioneve luftarake".

[gallery]23153[/gallery]
  
Redaksia Online
J.Sh Shqiptarja.com