Rregullat e reja për banesat 
që do përfshihen në legalizim

TIRANE- Qeveria ka vendosur rregullat e reja për miratimin e banesës që do të pranohet në procesin e legalizimit. Përcaktimi i ligjit, në të cilin thuhet se do të legalizohen të gjitha ndërtimet e ndërtuara para janarit të vitit 2009, tashmë është plotësuar dhe me rregullin e vërtetimit të këtij afati ligjor, ku do të përdoren si hartat e fotografuara por dhe dokumente të tjera faktike. Po ashtu, ALUIZNI do të ketë të qarta dhe rregullat e përcaktimit të një zonë informale. Ndërsa janë vetë ekspertët e këtij institucioni që me këtë vendim të ri do të zhvillojnë matjet në terren si dhe dhënien e vlerësimit përkatës.