Rregullorja e UEFA-s thotë se: Vendi organizator i ndeshjes mban përgjegjësi kur ndeshja ndërpritet për mosorganizimin e mirë të saj, për shkak se në fushë futen persona të huaj, dhunohen lojtarët apo drejtuesit e takimit.

Fjala përgjegjësi përkthehet se vendi pritës është fajtori dhe në rast të tillë rezultati i jepet në tavolinë ekipit udhëtues me rezultatin 3-0.

Serbët rëndohen edhe më shumë prej faktit që zyrtarisht në stadium nuk kishte tifozë shqiptarë, pas kërkesës së federatës serbe dhe vendimit të UEFA-s.

Veç hymbjes së tre pikëve Serbia rrezikon edhe dënim të rëndë deri në përjashtim nga eleminatoret sepse është përsëritëse e dhunës.

Vetëm në rastin kur edhe Shqipëria etiketohet si bashkëfajtore mund të shpëtojë Serbia dhe në këtë rast ndeshja vazhdohet aty ku u ndërpre pa tifozë, ose në fushë asnjëanëse.