Detaje nga aksidenti tragjik në Bulqizë/ Makina me targa angleze mori zvarrë për 100 metra mjetin tip ‘Benz’ ku udhëtonin viktimat

Të tre viktimat janë nga fshati Maqellarë i Dibrës. Mjetin e drejtonte Kujtim Istrefi ndërkohë që Murat Istrefi, Lulzime Istrefi, Ferize Istrefi dhe Kadrie Markeçi ndodheshin në atë makinë. Këto dy të fundit ndodhen në spitalin e Traumës ku po marrin trajtimin mjekësor të nevojshëm.

E gjithë familja udhëtonte me mjetin tip ‘Benz’ ngjyrë të bardhë.

Ndërkohë Mërgim Lazri dhe Edison Lazri kanë qenë në makinën tip ‘Benz’ me targa angleze.  Këtë rrugë të rinjtë e përdorin edhe një pistë për gara sepse është rreth 2 kilometra rrugë e drejtë që përdoret për të bërë gara.

Rrethanat e aksidentit:

Mjeti tip ‘Benz’ ngjyrë i bardhë po udhëtonte nga fshati Gjoricë në hyrje të rrugës kryesore. Ndërsa mjeti me targa angleze po udhëtonte nga Maqellara në drejtim të Tiranës me shpejtësi tej normave të lejuara. Këtu ka ndodhur edhe përplasja fatale ku mjeti me targa angleze ka marrë zvarrë për rreth 100 metra duke e ndarë në dy pjesë dhe duke shkaktuar vdekjen e menjëhershme të tre anëtarëve të familjes Istrefi.

Lajmi kryesor:

Makinat të bëra ‘copash’ pas aksidentit tragjik në Bulqizë ku vdiqën 3 persona! Policia arreston 28 vjeçarin që drejtonte mjetin me targa angleze

B.V/Shqiptarja.com

TAG:
• kujtim istrefi
• murat istrefi
• lulzime istrefi
• bulqizë
• Diber