Rreze Dielli, të rinjtë çdo ditë
konkurs gatimi me Znj Tefta

Emisioni "Rreze Dielli" sjell për herë të parë në ekranin e A1Report konkursin e Kuzhinës në rubrikën Të gatuajmë së bashku me Znj. Tefta. Ky konkurs realizohet në bashkëpunim me shkollën e mesme të Hoteleri-Turizmit.



Indrit Balashi ishte nxënësi i parë i cili çeli këtë konkurs kuzhine dhe zë bashku me zonjën Tefta kanë gatuar dy receta të thjeshta por të shijshme për publikun e A1 Report.


Ky Konkurs do të jetë në ekranin e rreze Dielli nga e hëna deri të enjten, ku Zonja Tefta do i mësojë kokurrentit pjesëmarrës receta të ndryshme gatimi, dhe ditën e premtë ajo do të zgjedhë rastësisht një nga recetat e shpjeguara gjatë javës. Konkurrenti duhet ta realizojë atë pa asnjë ndihmë, duke mbajtur mend përmendësh edhe përbërësit e recetës.

Në fund të provës, nxënësi do të vlerësohet nga juria e cila përbëhet nga zonja Tefta, një mësues dhe një shef kuzhine. Çdo javë do të ketë një nxënës të ndryshëm deri në finalen e madhe, e cila do të jetë në qershor.

Të gjithë pjesëmarrësit e këtij kompeticioni do të pajisen me çertefikatë pjesëmarrjeje si dhe me dhurata. Ndërkaq çmimi i madh për fituesin do jetë përveç çertefikatës edhe një dhuratë me pajisje elektroshtëpiake.

(xhk/shqiptarja.com)