Rrëzimi i avionit, Rusia dhe Anglia
pezullojnë fluturimet drejt Egjiptit
VD/Pezullimi, avioni që devijoi mbi Shqipëri
Rusia dhe Anglia kanë pezulluar këtë të premte të gjitha fluturimet drejt Egjiptit këtë të premte, pas aksidentit tragjik ajror ku humbën jetën rreth 224 persona në bordin e avionit rus që u rrëzua në zonën e Sinait në Egjipt.
Presidenti rus, Vladimir Putin urdhëroi pezullimin e të gjitha fluturimeve për pasagjerë nga Rusia drejt Egjiptit gjatë kësaj të premteje, derisa të përcaktohet shkaku i rrëzimit vdekjeprurës të avionit rus gjatë fundjavës së kaluar.Një veprim të tillë e ka ndërmarrë edhe Britania e Madhe
Vendimi i kreut të Kremlinit ka ardhur si kundërpërgjigje e rrëzimit të “Airbusit A321”, me të cilin operonte një linjë ajrore ruse, gjatë së shtunës së kaluar mbi gadishullin Sinai të Egjiptit. Të 224 pasagjerët në bord mbetën të vdekur.
Lëvizja e fundit e Moskës, që vjen pas vendimeve të ngjashme të Britanisë dhe shteteve të tjera për të pezulluar fluturimet drejt dhe nga Sharm el-Sheikh, resortit egjiptian prej nga ku ishte nisur avioni rus i rrëzuar, mund të jetë i pari sinjal se Moska po i beson gjithnjë e më shumë teorisë se militantët islamikë kishin vendosur një bombë diku në avion.
Gjithsesi, Kremlini bën të ditur se vendimi i marrë nga Presidenti rus nuk nënkupton se rrëzimi është shkaktuar nga një sulm terrorist. Për këtë është ende herët të thuash se çfarë e shkaktoi atë incident ajror dhe se të gjitha teoritë, përfshi edhe mundësinë e një difekti teknik, duhet të ekzaminohen nga hetuesit zyrtarë. Edhe Egjipti ka bërë të ditur se është ende herët për të dalë në konkluzione se çfarë e rrëzoi në tokë avionin.
Putin mësohet të ketë vepruar pasi Alexander Bortnikov, kreu i shërbimit sekret rus FSB, rekomandoi që Rusia të pezullonte të gjitha fluturimet për pasagjerë drejt Egjiptit, derisa të mësohej saktësisht shkaku i incidentit ajror me 224 viktima.
“Kreu i shtetit është dakordësuar me këto rekomandime”, tha Dmitry Peskov, zëdhënës i Putinit, i cituar nga agjencia e lajmeve “Interfax”. Ai shtoi se qeveria duhet të gjejë një mënyrë për t’i kthyer rusët në atdhe, e për këtë duhet të nisë bisedimet me autoritetet egjiptiane për t’u garantuar atyre fluturime të sigurta.
Një degë e Shtetit Islamik me bazë në gadishullin e Sinait ka marrë përsipër përgjegjësinë për rrëzimin e avionit, gjë që, nëse do të konfirmohej, do të shënonte të parin sulm të organizatave xhihadiste ndaj aviacionit civil.
Britania, në fakt, ka bërë të ditur gjatë kësaj të premteje se, një bombë e vendosur nga xhihadistët mes valixheve të tyre mund të ketë shkaktuar rrëzimin e avionit. Veç Britanisë, edhe Irlanda, Gjermania dhe Holanda kanë pezulluar fluturimet drejt resortit turistik egjiptian./ Top Channel
Redaksia online
(S.m/shqiptarja.com)
Sondazhi i ditës:
Ftesa e Ramës, a duhet të kthehen emigrantët që punojnë në turizëm?
-
Po
31%
-
Jo
63.7%
-
Nuk e di
5.3%
Vota total: 9273
Votat totale janë unike
Lajme të tjera
-
Eva Buzo përfundon me sukses sfidën, përshkon me not brigjet detare nga Italia në Shqipëri! 92 km për 35 orë e 17 minuta (VIDEO)
19 Gusht, 08:00
-
Dyshohej për vjedhje në seri, 32-vjeçari shqiptar çan postbllokun dhe dëmton një nga efektivët gjatë përleshjes në autostradën Avellino-Napoli
19 Gusht, 07:53
-
Lufta në Ukrainë/ Alarm raketor në rajonin e Kurskut! Kiev, rrëzohen 11 dronë rusë të nisur në Krasnodar
19 Gusht, 07:39
-
Manovra me Jet-Ski në det, përplaset dy italianët në Velipojë! Humb jetën 19-vjeçari, arrestohet kunati i tij (EMRAT)
19 Gusht, 07:24
-
Rikthehen tensionet gjeopolitike në Azi, Kina përplas 2 anijet ushtarake të Filipineve në detin e jugut! Rriten tonet e kërcënimeve
19 Gusht, 07:22
-
Ikën i nxehti afrikan, këtë javë priten vranësira e shi! E enjtja sjell sërish rritje temperaturash
19 Gusht, 07:02
-
Projekte të reja dhe tensione të vogla në punë…çfarë kanë parashikuar yjet për sot
19 Gusht, 06:57
-
Australi, program kundër izolimit social
18 Gusht, 22:58
-
Nga peshqirët te grimi, 8 artikujt që nuk duhet t’i ruani kurrë në tualet
18 Gusht, 22:50
-
Kërkesat në rritje për pasaporta e ID biometrike, zyrat e IdentiTEK të hapura edhe gjatë të shtunave
18 Gusht, 22:42
-
Nesër marshim për Egli Progën në Tiranë, e motra: Do jem aty jo vetëm për Eglin që na sheh nga lart, por edhe për drejtësinë në emër të tij
18 Gusht, 22:33
-
Mushkonjat nuk i pickojnë njerëzit që hanë këto ushqime
18 Gusht, 22:14