Rrëzimi i Bordit të Çmimeve, avokati pranë PD-së: Të njëjtin fat do të ketë edhe Bordi i Karburanteve

Avokati pranë Partisë Demokratike, Marash Logu ka reaguar pas vendimit të Gjykatës Kushtetuese për të rrëzuar Bordin e Transparencës për çmimin e ushqimeve. Me anë të një postimi në rrjetet sociale, Logu shkruan se kjo është dëshmi e qartë se edhe Bordi i Karburanteve do të ketë të njëjtin fat. Gjykata Kushtetuese do e shqyrtojë kërkesën e PD-së më 9 mars për bordin e karburanteve.

'Gjykata Kushtetuese vendosi sot të shfuqizojë Bordin e Ushqimeve. Vendimi i Gjykatës flet qartë se Bordi nuk u krijua për të mbrojtur qytetarët nga rritja e çmimeve të ushqimeve, por fitimet e kompanive të lidhura me qeverinë. Shpallja antikushtetuese e Bordit të Ushqimeve është dëshmi e qartë se të njëjtin fat do të ketë edhe Bordi i Karburanteve, i cili do të shqyrtohet më 9 Mars.'- shkruan Logu.

LEXO EDHE:
Dorian Teliti: Gjykata Kushtetuese të shfuqizojë tatimin për profesionet e lira

 

Lajmi kryesor:

Gjykata Kushtetuese rrëzon Bordin e Transparencës për çmimet e shportës: Nuk plotësohen kriteret për një Akt Normativ me fuqinë e ligjit

M.Q./Shqiptarja.com

TAG:
• gjykata kushtetuese
• Bordi i Ushqimeve
• bordi i transparences
• PD