POP 5

Lajmet më të lexuara të 5 minutave të fundit

Ekonomi

Rriten çmimet nga lufta, shqiptarët konsumojnë më pak! Bie me 14.7% volumi i mallrave të importit

Çmimet e larta nga lufta në Ukrainë që reflektohen në rënien e kërkesës për konsum, kanë ulur sasinë e mallrave të importuara duke tkurrur tregtinë në vend. Sipas të dhënave të INSTAT, në 7 muaj transporti i mallrave është ulur me 14.7% nga një vit më parë.

Konsumi është vënë në pikëpyetje nga çmimet e larta të mallrave që vijojnë të rriten dhe për pasojë tregtia ka filluar të tkurret. Nga janari në korrik sipas të dhënave të tregtisë volumi i mallrave të ngarkuara dhe shkarkuara është ulur me 14.7%. Rënia më e madhe e tregtisë është regjistruar nga mallrat që vijnë në rrugë hekurudhore me 29.7%, ndjekur nga mallrat e transportuara në porte me -14.1% dhe ato nga ajri që janë ulur me 0.3%. 

Por pavarësisht se kemi blerë ma pak mallra, çmimet e larta, kanë rritur edhe faturën financiare në krahasim me një vit më parë. Për këtë shkak pavarësisht se tregtia bie në sasi, importet dhe eksportet rriten në vlerë monetare. Në 7 muaj importet në vlerë janë rritur me 23.9% dhe eksportet me 40.1%, krahasuar me vjet vetëm për shkak të çmimeve.

Rënia e konsumit ishte e paralajmëruar edhe më herët nga institucionet vendase dhe të huaja, pasi rritja e çmimeve gërryen xhepat e konsumatorëve, të cilët me të njëjtën sasi parash blejnë më pak mallra. Nga ana tjetër importet me çmime të larta janë edhe shkaku kryesor për rritjen e inflacionit në Shqipëri. Banka e Shqipërisë thotë se inflacioni i importuar është rreth 11.1%.

“Inflacioni i importuar evidentoi një zgjerim të dukshëm, i ndikuar nga efektet e trashëguara të pandemisë dhe pasojat e luftës në Ukrainë”, thotë Banka e Shqipërisë.

Por pavarësisht rritjes së çmimeve Banka Botërore vlerëson se Shqipëria ka inflacionin më të ulët në rajon me 13.2%, ndërsa më i larti është në Bosnje-Hercegovinë me 24.2%.

Transporti i mallrave në 7 muaj

Në hekurudha       -29.7%
Në porte               -14.1%
Në ajër                    -0.3%

Tregtia e mallrave

Import                            528 mld lekë
Eksport                           293 mld lekë
Deficiti tregtar                235 mld lekë

Inflacioni në Ballkan

Shqipëria                          13.2%
Bosnje Hercegovina         24.2%
Kosova                              19.2%
Mali i Zi                            23.1%
Maqedonia e Veriut          21.5%
Serbia                                19.3%
 

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13