Rriten infektimet me COVID-19 në Kosovë, regjistrohen 72 raste të reja në 24 orë dhe asnjë viktimë

Foto ilustruese

KOSOVË- Situata epidemiologjike në Kosovë ka pësuar një rritje të ndjeshme prej tre ditësh. Në 24 orët e fundit si rezultat i 2.443 testimeve 72 persona kanë rezultuar pozitivë me koronavirus. Ndërsa nuk është regjistruar asnjë viktimë nga COVID-19 në 24 orë.

Instituti i Shëndetësisë Publike bën e dije se 17 qytetarë janë shëruar nga virusi, ndërsa që nga fillimi i pandemisë në vend 105.633 persona kanë arritur ta fitojnë luftën me koronavirusin.

Numri total i infektimeve ka shkuar 108.203, ndërkohë që ai i viktimave është 2.265 në të gjithë vendin që nga fillimi i pandemisë. Ndërkaq, numri i rasteve aktive në vend është rritur me 110 raste të reja duke shkuar në 305 nga 195 që ishin ditën e djeshme.

Në lidhje me numrin e qytetarëve që janë vaksinuar kundër COVID-19, IKSHKP bën me dije se 12.123  qytetarë kanë marrë dozën e vaksinës anti-COVID në 24 orë. Që nga fillimi i procesit të vaksinimit në muajin mars, 400.217 persona janë vaksinuar gjithsej, ku prej tyre 130.511 i kanë marrë të dyja dozat.

SI.E./Shqiptarja.com
  • Sondazhi i ditës:

    A mendoni se do të zbatohet kodi etik nga ministrat e kabinetit Rama 3?

Komento


×

Lajmi i fundit

John

Po transportonin 13 emigrantë të paligjshëm, arrestohen 2 persona në Gjirokastër, sekuestrohen 2 automjete dhe aparate celularë