POP 5

Lajmet më të lexuara të 5 minutave të fundit

Shëndeti

Rriten shifrat e infektimeve me COVID tek fëmijët në Fier, 80% e testeve pozitivë! 15-20 raste me koronavirus në ditë

Në spitalin pediatrik të Fierit ka një rritje alarmante të infektimeve me COVID tek fëmijët. Sipas mjekëve 80% testimeve ditore tek fëmijët rezultojnë pozitivë. Mjekja Pediatre Albana Haxhiu apelon për kujdes të shtuar nga ana e prindërve dhe respektimin e rregullave të mbrojtjes kundër COVID-19.

Shifra alarmante të të prekurve me COVID-19 janë shënuar këtë verë nga muaji qershor e në vazhdim në Spitalin Pediatrik në Fier. Sipas të dhënave çdo ditë rreth 80% e testimeve të kryera rezultojnë pozitiv.  Mjekja pediatre Albana Haxhiu, pohon se ndër shkaqet kryesore të rritjes së rasteve me COVID është mosrespektimi i masave mbrojtëse, ku vetëm për periudhën aktuale shifrat e vizitave dirore në spital arrijnë në 100 fëmijë të sëmurë.

”Paraqitjet janë kryesisht temperatura, diarre dhe të vjella. Nga rastet që ne testojmë gati 70-80% rezultojnë pozitivë. Sidomos korriku por siç po duket edhe gushti shkon 100-120 paraqitje në 24 orë”, tha Haxhiu.

Sipas pediatres Haxhiu gjendja e fëmijëve të prekur me Sars COV 2 në përgjithësi është me simptoma të lehta, por kërkon kujdes të shtuar të prindërve sa i përket respektimit të rregullave të mbrojtës nga virusi.

”Nuk kemi patur komplikacione serioze. Apeli im është respektimi i masave mbrojtëse sidomos nga ana e prindërve sepse tek fëmijët është më e vështirë. Por prindërit duhet të përdorin maskat e të shmangin ambiente me grumbullime”, vijon haxhiu.

Edhe pse shifrat e të prekurve me COVID në shkallë vendi janë rritur, qytetarët vazhdojnë të jenë indiferentë dhe mos të zbatojnë masat parandaluese, siç është mbajtja e maskave në ambiente të mbyllura. Aktualisht vetëm në Fier rezultojnë aktiv me COVID-19, 625 qytetarë.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29