X

POP 5

Lajmet më të lexuara të 5 minutave të fundit

Ekonomi

Rriten të ardhurat nga emigrantët/  Banka e Shqipërisë: Pas rënies së thellë në karantinë dërgesat nivel rekord, 197 mln € euro në muajt Korrik-Shtator

Pas një rënie të fortë në muajit e izolimit, dërgesat nga emigrantët kanë arritur nivelin më të lartë që nga viti 2010. Në periudhën korrik-shtator të këtij viti emigrantët kanë sjellë 197 milionë euro. Sipas Bankës së Shqipërisë në këtë periudhë janë rritur dërgesat nëpërmjet institucioneve bankare dhe jo vetëm.

Dalja nga karantina dhe izolimi total si pasojë e pandemisë COVID-19, ka dhënë impakt të menjëhershëm në rritjen e të ardhurave për emigrantët. Pas një rënie të fortë në tremujorin e dytë të vitit prill-qershor të prurjeve valutore nga shtetasit shqiptar jashtë vendit, në periudhën korrik-shtator ata kanë sjellë në vend 197 milionë euro me një rritje prej 7% ose 76 milionë eurosh më shumë se në kohën e karantinës.

Prurjet valutore në tremujorin e tretë të këtij viti sipas Bankës së Shqipërisë kanë qenë më të lartat që nga viti 2010 kur emigrantët sollën 219 milionë euro. Kjo rritje e tillë e dërgesave valutore nuk lidhet vetëm me rikthimit të aktivitetit ekonomik dhe daljes nga izolimi por edhe me rritjen e remitancave të ardhura nëpërmjet kanaleve formale. Kjo do të thotë që bllokimi i transportit mes shteteve për të frenuar përhapjen e pandemisë, ka nxitur emigrantët që paratë e tyre ti dërgojnë nëpërmjet transfertave bankare apo edhe shoqërive të tjera jo banka.

Në total që nga janari deri në shtator remitancat kanë arritur në 470 milionë euro, me një rënie prej 51 milionë eurosh nga e njëjta periudhë e një viti më parë kur shtetasit jashtë vendit sollën 521 milionë euro.

Kjo rënie është shkaktuar më së shumti gjatë periudhës së karantinës kur emigrantët sollën vetëm 121 milionë euro, niveli më i ulët që nga viti 2009.

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Meta sulmon sërish Altin Dumanin: Nuk i druhem një prokurori që s’di të thotë dy fjalë

Meta sulmon sërish Altin Dumanin: Nuk i druhem një prokurori që s’di të thotë dy fjalë

23 Prill, 16:35 nga Ergys Kavaja