Putin: Nëse Perëndimi ndërhyn në Ukrainë përgjigjemi menjëherë, kemi armë që s'i ka askush! Kievi: Moska po përdor bomba me fosofor në Avdiivka! Guterres nesër takon Zelenskyn

Mediat e huaja raportojnë se ka bombardime të shkaktuara nga raketa në Kherson, në qytetin në jug të Ukrainës, për të cilin rusët pretendojnë se e kanë marrë nën kontroll të plotë. 

“Na presin javë jashtëzakonisht të vështira”, kjo ishte ajo që deklaroi Ministri i Mbrojtjes së Ukrainës Oleksiy Reznikov. 

Reznikov thotë se armiqësitë do të intensifikohen në rajonin e Donbass-it dhe tha se Rusia tashmë është e vetëdijshme për humbjen e saj strategjike, por do të përpiqet të na shkaktojë sa më shumë dhimbje që të jetë e mundur.

Presidenti ukrainas Volodymyr Zelensky pati një komunikim me Presidenten e Komisionit Evropian Ursula Von der Leyen. Lajmin e bëri të ditur vetë Zelensky me një postim në llogarinë e tij në Twitter. Ai falënderon Komisionin Evropian që vendosi të heqë tarifat dhe kuotat për mallrat industrial dhe ushqimin.

Zelensky foli gjithashtu për paketën e gjashtë të sanksioneve që duhet të përfshijnë embargon e naftës.

“Në bisedë u diskutua për mbështetje të mëtejshme, duke përfshirë fondin e ndihmës makro-financiare për emergjencat, Presidentja e Komisionit Evropian foli për paketën e gjashtë të sanksioneve, e cila duhet të përfshijë embargon e naftës”, tha Zelensky në postimin e tij në Twitter.

Korporata tenologjike “Microsoft”, në një raport të nxjerrë ditën e sotme tha se hakerat e qeverisë ruse kanë kryer 37 sulme kiberenetike brenda Ukrainës.

Keto sulmet mendohet se janë kryer ndërmjet 23 shkurtit dhe 8 prillit.

“Hakerët e qeverisë ruse kryen gjithsej 37 sulme destruktive kibernetike brenda Ukrainës midis 23 shkurtit dhe 8 prillit”, tha Microsoft.

Ndërhyrjet e raportuara, disa prej të cilave nuk janë zbuluar më përpara thonë se hakerimi ka luajtur një rol shumë më të madh në konflikt në krahasim me atë që dihej publikisht. 

Microsoft tha gjithashtu në raport se sulmi dixhital mund të ketë hedhur gjithashtu bazat për misione të ndryshme ushtarake në territorin e shkatërruar nga lufta.

Dy amerikanë që luftonin si vullnetarë në Ukrainë u plagosën nga predha artilerie pranë qytetit të Orikhiv, në rajonin Zaporizhzhia në juglindje të vendit. Gazetari Nolan Peterson publikoi disa foto të dy ushtarëve të plagpsir, që sipas tij janë Manus McCaffrey dhe Paul Grey: i pari dyshohet se ka pësuar lëndime nga predha në fytyrë, kokë dhe gjoks, ndërsa në Grey u shemb një mur që i lëndoi këmbën.

Mes thashethemeve për shëndetin e  dobët të Vladimir Putin, një video që është publikuar së fundmi tregon dridhjet e dorës së Vladimir Putin ndërsa përshëndet  liderin e Bjellorusisë Alexander Lukashenkon . 

Video e cila është filmuar në shkurt para pak pushtimit të Ukrainës, trego momentin kur Putin i dridhet dora në mënyrë të pakontrollueshme.

Presidenti rus, në mënyrë që të mos dallohej  e ka  mbështetur për gjoksi ku dhe ka ndaluar dridhjen.

Kjo nxiti spekulime të mëtejshme për gjendjen e tij shëndetësore pasi pamjet dhe imazhet tregonin fytyrën e tij të fryrë dhe qëndrimin e shtrirë.

Sipas mediave të huaja, gjendja shëndetësore e Putin është e njëjtë me atë të Adolf Hitlerit, ndërsa Gjermania përballej me humbjen totale në Luftën e Dytë Botërore. 

Shumë historianë dhe ekspertë besojnë se Hitleri vuante nga sëmundja e Parkinsonit në kohën kur u filmua video. Gjendja pengon kontrollin e muskujve dhe dëmton lëvizshmërinë.  

Përveç dëmtimit të proceseve të të menduarit, Parkinson mund të dëmtojë qëndrimin dhe kontrollin e muskujve. 

Duket që edhe Putin ka të njëjtën sëmundje, por megjithatë ende nuk është e sigurt.

Talat Xhaferi është politikani i parë shqiptar që ka shkelur tokën ukrainase, në kohën e luftës. Me ftesë të Kryetarit të Kuvendit të Ukrainës, Rusllan Stefançuk, Kryetari i Kuvendit të Republikës së Maqedonisë së Veriut, Talat Xhaferi ka mbërritur mëngjesin e sotëm në Kiev, ku ka vizituar Irpinin dhe Hostomelin. Ai rrëfen se situata në terren është ndryshe nga sa shihet në foto apo video të publikuara në media.

Xhaferi ka zhvilluar edhe një takim me presidentin ukrainas Volodymyr Zelensky. Xhaferi ka publikuar fotografi nga pritja që ju bë në Ukrainë, duke i falënderuar të gjithë luftëtarët që u mundësuan të udhëtojnë të sigurt në Ukrainë.

"Ngushëllimi im i sinqertë dhe shumë i thellë ndaj fëmijëve, prindërve, grave dhe burrave që i humbën më të afërmit. Për nder të jetëve të humbura, obligohemi që t’ju dëgjojmë me kujdes dhe t’ju ndihmojmë që sërish të ndërtoni të rrënuarën. Falënderim ndaj të gjithë luftëtarëve për liri në Ukrainë, që në kushte lufte na mundësuan të udhëtojmë të sigurt në Ukrainë dhe që e ndajnë bukën me ne.

Më herët Xhaferi ka publikuar edhe video nga vizita e tij në Irpin dhe Hostomel.

Zëdhënësi i Kremlinit Dmitry Peskov në deklaratë për media ditën e sotme, u shpreh se nuk është e vërtetë që Rusia po përdor furnizimin e gazit si një mënyrë për të shantazhuar shtetet.

Peskov u shpreh se ka një rregull të ri për vendet që kanë vendosur sanksione ndaj Rusisë, për mënyrën e furnizimit me gaz, që do të kryhet vetëm me Rubla, por nuk e bëri të ditur nëse ndonjë vend kishte rënë dakord të paguajë me rubla.

“Kjo nevojë është diktuar nga fakti se, siç e dini, një sasi e konsiderueshme e rezervave tona janë bllokuar. Prandaj, nuk bëhet fjalë për ndonjë shantazh”, tha ai.

BE-ja e bëri sot komentin për shantazh nga Rusia, Presidentja e Komisionit  Europian Ursula von de Leyen u shpreh sot se Moska po e përdor gazin si mjet shantazhi për BE-në, pasi vendosi të ndërpresë furnizimin me gaz për Poloninë dhe Bullgarinë.

 Moska tha se kjo ishte për shkak se ata kishin refuzuar të paguanin në monedhën ruse, rubla.

‘Nëse Rusia kërcënohet, ajo do të përgjigjet me mjete që kundërshtarët e saj ende nuk i kanë." Kështu deklaroi presidenti Vladimir Putin në një fjalim para parlamentarëve në Shën Petersburg. Udhëheqësi rus foli për "kërcënime gjeopolitike" dhe shtoi: "Ata duhet të dinë se do të ketë një përgjigje dhe do të jetë e shpejtë. Ne kemi mjete që askush nuk i ka dhe do t'i përdorim nëse është e nevojshme. Dua që të gjithë ta dinë". tha Putin në parlajmërimin e tij.

Sekretari i Përgjithshëm i Kombeve të Bashkuara, Antonio Guterres, i cili dje u takua me presidentin rus Vladimir Putin, mbërriti në Kiev, ku nesër do të takohet me Presidentin ukrainas Volodymyr Zelensky.

Presidenti rus Vladimir Putin thotë se numri i mercenarëve të huaj që luftojnë në Ukrainë po rritet. Për ta provuar këtë Putin paralajmëroi se do t’i shfaqin publikisht disa prej tyre.

“Numri i mercenarëve të huaj në Ukrainë po rritet dhe Ministria ruse e Mbrojtjes do të shfaqë publikisht disa nga ata që janë kapur”, shprehet Putin.

Vanya është një djalë i vogël nga Mariupol, i cili bëri një akt të guximshëm për të shpëtuar macen e tij.

Në momentin kur trupat ruse ishin duke sulmuar qytetin, Vanya e mbuloi macen me trupin e tij që mos ta prekinin granatimet. Nga ana tjetër, babai i tij shpëtoi si Vanya dhe mace duke i mbuluar të dy me trupin e tij për t’i larguar nga zona e rrezikut.

Si Vanya dhe familja e tij fatmirësish arritën të mbijetonin dhe që atëherë janë larguar nga qyteti.

Planet e vendeve perëndimore për të dëmtuar ekonominë e Rusisë kanë dështuar. Kështu deklaroi presidenti rus Vladimir Putin duke folur në Shën Petersburg,

“Ndikimi ekonomik i sanksioneve perëndimore kundër Rusisë nuk ka qenë aq i fortë për momentin”.

Objektivat e operacionit special rus në Ukrainë do të realizohen të gjitha. Këtë e tha presidenti rus Vladimir Putin në një takim me anëtarët e Këshillit të Ligjvënësve.

“Dua të theksoj edhe një herë se të gjitha detyrat e operacionit special ushtarak të kryer nga ne në Donbass dhe Ukrainë do të përmbushen për të garantuar sigurinë e banorëve të republikave popullore të Donetsk dhe Lugansk , të Krimesë ruse dhe të gjithë vendit tonë", tha Putin.

Kryeministri italian Mario Draghi ka zhvilluar një bisedë telefonike me presidentin e Ukrainës, Volodymyr Zelensky. Në qendër të bisedimeve ishin zhvillimet e fundit në Ukrainë dhe mbështetjen e Italisë për Kievin. Ata folën edhe për udhëtimin e Draghit që pritet të zhvillojë në në Kiev.

Presidenti rus Vladimir Putin ka paralajmëruar se çdo vend që ndërhyn në Ukrainë do të përballet me një përgjigje të shpejtë nga Rusia.

"Nëse dikush nga jashtë përpiqet të ndërhyjë në Ukrainë,ne i kemi të gjitha mjetet për t'u përgjigjur me të cilat askush nuk mund të mburret, dhe ne nuk do të mburremi me to, do t'i përdorim nëse është e nevojshme, përgjigja jonë do të jetë e shpejtë rrufe" tha Putin.

Udhëheqësi rus shtoi se të gjitha vendimet se çfarë do të përfshijë kjo përgjigje janë marrë tashmë, por nuk dha ndonjë detaj të mëtejshëm.

Ndonëse Rusia i ndërpreu furnizimin me gaz, Kryeministri polak Mateusz Morawiecki ka thënë se nuk do ta paguajnë gazin në rubla dhe u bëri thirrje partnerëve të tij të bëjnë të njëjtën gjë.

Morawiecki tha se Polonia do të bënte gjithçka në fuqinë e saj për të vendosur gjoba ndaj Rusisë për pezullimin e marrëveshjes, pasi ndaloi furnizimet me gaz në kundërshtim me detyrimet e saj kontraktuale.

“Ndërprerja e dërgesave nuk është e ligjshme dhe nuk është në përputhje me kontratën”, tha ai.

Përveç Polonisë, Rusia ka ndërprerë gazin edhe për Bullgarinë.

Presidentja e Komisionit Evropian Ursula von der Leyen në një konferencë në Bruksel, Belgjikë, më 27 prill, pas vendimit të gjigantit energjetik rus Gazprom për të ndaluar dërgesat e gazit në Poloni dhe Bullgari.

Gazprom ndërpreu furnizimet me gaz për Poloninë dhe Bullgarinë të mërkurën, pasi të dy vendet refuzuan të paguanin gjigantin rus të energjisë në rubla.

Në një deklaratë, presidentja e Komisionit Evropian, Ursula von der Leyen e quajti atë "një tjetër provokim nga Kremlini" dhe akuzoi Moskën për përdorimin e gazit për të "shantazhuar" bllokun.

"Kjo është diçka për të cilën Komisioni Evropian është përgatitur, në koordinim dhe solidaritet të ngushtë me Shtetet Anëtare dhe partnerët ndërkombëtarë. Përgjigja jonë do të jetë e menjëhershme, e bashkuar dhe e koordinuar. Së pari, ne do të sigurojmë që vendimi i Gazprom të ketë ndikimin më të vogël të mundshëm tek konsumatorët evropianë. Sot, Shtetet Anëtare u takuan në Grupin e Koordinimit të Gazit. Polonia dhe Bullgaria na informuan për situatën. Si Polonia ashtu edhe Bullgaria tani po marrin gaz nga fqinjët e tyre të BE-së” tha von de Leyen.

Më tej në deklaratën e saj, ajo u angazhua për të siguruar një plan "afatmesëm" për furnizim dhe magazinim të mjaftueshëm të gazit, dhe gjithashtu priste me padurim të investonte në një "tranzicion të gjelbër".

Trupat ruse përdorën gaz lotsjellës për të shpërndarë demonstruesit ukrainas në qytetin Kherson të pushtuar nga Moska. Tre persona u plagosën dhe një tjetër theu këmbën.

Rusët dyshohet se sulmuan gjithashtu spitalin Severodonetsk, pavarësisht se e dinin se brenda kishte persona të lënduar rëndë. Dy kate të ndërtesës u dëmtuan në sulm dhe një grua humbi jetën, sic raportoi në Telegram Serhii Haidai, guvernatori i rajonit të Luhansk, duke shtuar se pavarësisht të gjithave, spitali mbetet funksional.

“Rusët kanë vrarë në Bucha në bazë të një liste”. Kështu deklaroi kryebashkiaku Anatolii Fedoruk në një intervistë me CBC.

Sipas kryebashkiakut, ushtarakët rusë nuk i kishin shkruar, por ia kishte diktuar dikush nga vendi.

“Ndoshta kanë pasur bashkëpunëtorë, sepse e dinin paraprakisht se ku do të shkonin, në çfarë adrese dhe çfarë lloj njerëzish kishte”, tha ai. 

“Më shumë se 20 mijë banorë civilë të qytetit janë vrarë gjatë kësaj lufte. Është dyfishi i viktimave të dy viteve të pushtimit të Mariupolit nga fashistët gjatë Luftës së Dytë Botërore”.  Kështu deklaroi kryetari i bashkisë së Mariupolit, Vadym Boychenko, në fjalimin e tij në seancën plenare të Komitetit Evropian të Rajoneve.

Pavarësisht vështirësive në rritje, Turqia beson se është ende e mundur të organizohet një takim midis liderëve të Rusisë dhe Ukrainës. Këtë e ka nënvizuar ministri turk i Mbrojtjes, Hulusi Akar.

 "Pavarësisht disa vështirësive, ne jemi ende të sigurt. Ndoshta do të jetë e mundur të ribashkojmë dy liderët në ditët në vijim me propozimin e presidentit tonë. Ne si Turqi vazhdojmë të japim të gjitha kontributet e mundshme, përfshirë ndërmjetësimin për një armëpushim të menjëhershëm, për të shmangur një përkeqësim të mëtejshëm të gjendjes humanitare ", tha ai.

Polonia ka arrestuar 7 persona për spiunazh në emër të Rusisë dhe Bjellorusisë që nga fillimi i luftës në Ukrainë. Zëdhënësi i ministrit polak dhe koordinatorit për shërbimet sekrete, Stanislaë Zaryn, foli për aktivizimin e operacioneve të spiunazhit kundër Polonisë.

Provat e mbledhura nga SKW tregojnë se të dy të huajt, vepronin në emër të shërbimeve të inteligjencës ruse në dëm të Polonisë, kryen zbulimin e funksionimit të forcave të armatosura polake thuhet në një deklaratë zyrtare.

 “Arrestimi i të dyshuarve është bërë më 21 dhe 22 prill 2022. Ata rrezikojnë burgim deri në 10 vjet”, u tha në njoftimin e publikuar.

Sot nuk do të ketë korridore humanitar për evakuimin e civilëve nga Mariupol. Lajmin e dha këshilltari i kryetarit të qytetit të Donetsk, Petro Andryushchenko, sipas Guardian.

Andryushchenko konfirmoi gjithashtu se forcat ruse po sulmojnë përsëri fabrikën e çelikut Azovstal.

Më shumë se 500 ukrainas të plagosur po vuajnë dhe po luftojmë me vdekjen, teksa ditët kalojnë dhe ata vijojnë të bllokuar në fabrikën e çelikut Azovstal në Mariupol .

Të plagosurit kanë nevojë për trajtim urgjent mjekësor, pasi çdo orë është vendimtare për shpëtimin e jetës së tyre.

DJI, lideri botëror në “dronë”, ka njoftuar pezullimin e operacioneve tregtare në Rusi dhe Ukrainë, duke u bërë kompania e parë kineze e teknologjisë së lartë që merr një vendim të tillë që nga pushtimi i trupave të Moskës kundër Kievit.

"DJI po rivlerëson kërkesat e pajtueshmërisë në juridiksione të ndryshme," tha kompania në një deklaratë, duke theksuar se ndërkohë, DJI do të pezullojë përkohësisht të gjithë biznesin në Rusi dhe Ukrainë.

 Pekini nuk e ka dënuar ende pushtimin dhe kompanitë kineze kanë mbetur të heshtura se si të menaxhojnë ndikimin e sanksioneve të SHBA-së, BE-së dhe aleatëve kundër Rusisë

“Vendimi i gjigantit energjetik rus Gazprom, i cili njoftoi se kishte ndërprerë furnizimin me gaz si për Bullgarinë ashtu edhe për Poloninë, pasi të dy vendet refuzuan të fillonin të paguanin në rubla, është i pajustifikuar dhe i papranueshëm”. Kështu ka deklaruar presidentja e Komisionit Evropian, Ursula von der Leyen.

"Është një përpjekje tjetër e Rusisë për të përdorur gazin si një instrument shantazhi", tha ajo.

Moska, përmes fjalëve të Ministrisë së Mbrojtjes së Moskës, tha se raketat ruse goditën dhe shkatërruan një depo armësh dhe municionesh të furnizuara nga SHBA dhe Evropa në fabrikën e prodhimit të aluminit në Zaporizhzhia, Ukrainë.

Dy nga këshilltarët e presidentit ukrainas Volodymyr Zelensky kanë paralajmëruar se lufta mund të zgjasë deri në vitin e ardhshëm.

Sipas tyre, sulmi në Donbass nuk do të shënojë fundin e konfliktit.

“Do të ketë sulme ajrore, luftë ... Është një histori e gjatë dhe mund të jetë akoma më e gjatë, mund të zgjasë deri për vitin e ri. Gjithçka varet nga një sërë rrethanash,” tha Ukrinform Oleksiy Arestovych për agjencinë ukrainase të lajmeve.

“Një nga kërkesat e çuditshme të Rusisë në fillim të luftës ishte demilitarizimi i Ukrainës. Pas takimit të rëndësishëm në bazën Ramstein, kam një lajm të keq për Moskën. Për sa i përket kapacitetit, shpejtësisë, logjistikës, llojeve të armëve, Ukraina po forcohet”, shkroi Mykhailo Podolyak, këshilltari i presidentit ukrainas në Twitter.

Komisionerja për të Drejtat e Njeriut në Parlamentin e Ukrainës, Lyudmyla Denisova, zbuloi se tashmë ka të paktën 400 ankesa kundër ushtarëve rusë për dhunë seksuale të kryer ndaj grave dhe fëmijëve. Denisova tha se pas vënies në dispozicion të qytetarëve numrin publik, raportet vazhdojnë të rriten.

Sot, presidenti ukrainas Volodymyr Zelensky, në mesazhin e tij të zakonshëm të natës drejtuar kombit dhe botës, akuzoi Rusinë e Putinit se dëshiron të copëtojë dhe rishikojë kufijtë e Evropës Qendrore dhe Perëndimore.

"Qëllimi përfundimtar i udhëheqjes ruse nuk është vetëm të marrë nën kontroll territorin e Ukrainës, por të copëtojë të gjithë Evropën Qendrore dhe Lindore dhe t'i japë një goditje globale demokracisë," tha Zelensky.

Sipas Zelensky, për të arritur qëllimin e tij, Putini është i gatshëm të zgjerojë perimetrin e konfliktit në Transnistria.

"Natyrisht, duke iu referuar dy shpërthimeve të regjistruara në republikën separatiste pro-ruse të Moldavisë, kjo është bërë për të destabilizuar situata në rajon, nga shërbimet sekrete ruse.”, tha ai.

"Trupat ruse që tentonin të sulmonin Kievin nëpërmjet zonës së Çernobilit e përdorën këtë zonë të mbyllur si një urë ushtarake për të hyrë në Kiev", tha Zelensky në një fjalim.

"Ata drejtuan automjete të blinduara për në zonat ku janë materialet e kontaminuara nga rrezatimi dhe ku ka grimca radioaktive," shtoi ai.

Gjithashtu sipas presidentit ukrainas, rusët shkatërruan pikat e kontrollit, thyen dhe plaçkitën sistemin e monitorimit të rrezatimit në termocentralin bërthamor të Çernobilit.