Rritet me 15 lekë çmimi i ujit për qytetarët e Korçës. Rritje do të ketë për konsumatoret familjarë dhe institucionet publike, ndërsa për bizneset private nuk ndryshon.

"Rëndon por kështu ka vendosur qeveria, skemi çbëjme ne. Grevë nuk mund të bëjmë dot, kupton, është si nuk është rëndesë.Në këtë kushte që jemi dhe në  që është trecereku i familjesve mund të thuash  pa punë , mund të jenëm më pensione dhe me paga të ulëta, besoj se ndikon  mjaft.Është më i shtrenjtë që duhet, tepër rëndues është, sidomos ndaj pensionistëve. Tani jemi dy pleq, dy pensionistë. Është më shtrenjtë uji se korrenti"-shprehen qytetarët në lidhje më këtë qasje të bashkisë.

Rritja me 10 përqind është vendosur dje në mbledhjen e radhës së këshillit bashkiak të Korçës . Rritja e çmimit konsiston me 7 lekë për m3 të ujit të pijshëm ndërsa për ujërat e përdorura me 8 lekë.

Propozimi për ndryshimin e planit tarifor është bërë nga drejtoria e Ujësjellësit, kjo për faktin se treguesit ekonomike dhe investimet qe janë kryer ne rrjet duhen shlyer kreditë e marra.

Kjo rritje që do të bëhet ka sjellë shqetësimin e banorëve që e quajnë rëndesë në ekonominë familjare, pavarësisht se janë të kënaqur nga shërbimi.

Sipas drejtores tregtare Elia Pendavinji, kompania po përballet me vështirësitë në pagesën e kredive që ka marre deri tani dhe pamundësinë për të investuar në riparimet dhe zëvendësimin e aseteve ka çuar në rritjen e çmimit.

"Në vitin 2019, Shoqëria Ujësjellës Kanalizimeve ka detyrimin për të shlyer të gjithë detyrimet që ka marrë nga donatorët, përfshirë donatorin më të madh që është KFV-ja dhe Bankën Evropiane të Investimeve"-shprehet ajo 

Kryetari i bashkise së Korçës Sotiraq Filo është shprehur se investimet në rrjet janë votuar nga këshilli dhe se rritja e tarifave është parashikuar që në kohen kur u bë ujësjellësi i ri i Korcës, i cili është model në të gjithë Shqipërinë.

"Në qytetin e Korçës janë investuar 63 milionë euro, 23 për ujësjellësin dhe 40 milionë për kanalizimet . Në momentin kur këto investime janë miratuar kanë patur miratimin dhe në këshillin bashkiak në vazhdimësi dhe e vetmja mënyrë që ato kredi të shlyhen është nëpërmjet kësaj rritje progresive"-kështu shprehet kryetari i Bashkisë së Korçës.

Ndryshimi i tarifave nuk është mirëpritur nga këshilltarët e djathtë, të cilët nuk e kanë votuar këtë ndryshim. Çmimet e reja do të duhet të miratohen nga enti rregullator i ujit për miratim para se te zbatohen nga shoqeria.

dy.b/shqiptarja.com