POP 5

Lajmet më të lexuara të 5 minutave të fundit

Ekonomi

Rritet inflacioni në shtator, ndikuan artikujt shkollorë e shtrenjtimi i qirave! Shtrenjtohen më shumë ushqimet kahasuar me një vit më parë

Inflacioni në muajin shtator u rrit në krahasim me gushtin, si pasojë e rifillimit të shkollave dhe shtrenjtimit të qirave. Ndërsa në krahasim me vitin e kaluar çmimet janë rritur me 4.1%, ku kontributin më të madh e ka dhënë shtrenjtimi i ushqimeve, kryesisht i zarzavateve dhe mishit.

Fillimi i vitit të ri shkollor rriti lehtë inflacionin në muajin e kaluar, në krahasim me muajin gusht, për shkak të rritjes së çmimeve të artikujve mësimor. Sipas INSTAT inflacioni në muajin shtator ishte 4.1% nga 4% që ishte në gusht.

Po ashtu në muajin shtator janë rritur edhe çmimet e qirave sipas INSTAT, kjo lidhet edhe me faktin që u rikthyen studentët, për sezonin e vjeshtës dhe fillimin e universiteteve.

Ndërsa në krahasim me shtatorin e vitit të kaluar, shtrenjtimi i ushqimeve është shkaku kryesor i rritjes së inflacionit. Ushqimet dhe pijet joalkoolike në muajin e kaluar u shtrenjtuan me 7.9% krahasuar me vjet.

Kontributi më i madh është dhënë nga rritja e çmimeve të zarzavateve me 24,1%, ndjekur nga produktet e mishit që u shtrenjtuan me 9,4 %, apo “qumështi, djathit dhe vezët” me 8,3 % si edhe rritja e çmimit të “frutave” me 7.5%.

Sipas raportit të INSTAT, krahasuar me shtatorin e vitit 2022 janë shtrenjtuar të gjitha kategoritë nga mobiliet deri tek shëndeti e komunikimi, ndërsa i vetmi grup që ka pasur ulje çmimi me 7.2% ka qenë grupi i “Transportit”.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Miri: 09/10/2023 15:32

    Kur nuk funksionon shteti do shtrenjtohen gjdo gje

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54