POP 5

Lajmet më të lexuara të 5 minutave të fundit

Sociale

Rritet numri i divorceve në Lezhë e Kukës, shkak dhuna, tradhtia bashkëshortore e gjendja e keqe ekonomike

Vijon të mbetet problem numri i lartë i divorceve në Lezhë dhe Kukës. Shkak I divorvceve mbetet mbetet dhuna në familje, tradhtia bashkëshortore, gjendja e rënduar ekonomike, por edhe emigrimet e paligjshme.

Rritet numri i divorceve në Lezhë. Vetëm në 6 mujorin e parë të këtij viti janë regjistruar 200 raste. Ndër shkaqet kryesore që çojnë drejt divorcit mbetet dhuna në familje, tradhtia bashkëshortore dhe gjendja e rënduar ekonomike. Eksperti Besmir Frroku, pranë Gjykatës së Lezhës thotë se gratë përbëjnë numrin më lartë të padive të cilat kërkojnë zgjidhje martese.

"Nga praktika ime e punës, në 70%-80% të rasteve është gruaja ajo që i drejtohet gjykatës. Ndër shkaqet kryesore që hasim në përditshmërinë e punës janë dhuna në familje që shtohet vazhdimisht. Kemi vazhdimisht urdhëra mbrojtje që rriten. Kemi tradhëti bashkëshortore. Gjithashtu edhe kushtet ekonomike të këqija. " ka thënë Besmi Frroku.

Ndërkohë divorcet po kthehen në shqetësim edhe për familjet Kuksiane. Sipas  avokates Aurora Guska, numri i divorceve është dyfishuar krahasuar me vitin e kaluar, ndërsa shkak mbetet emigrimi i paligjshëm.

"Pranë gjykatës së rrethit Gjygjësor Kukës në krahasim me vitin e kaluar numri I divorceve është dyfishuar. Ku shkak tashmë nuk është gjendja ekonomike, besnikëria , por emigrimi i paligjëshëm.  Ku familjari, bashkëshorti, kryefamiljari ka emigruar për punësim dhe pasi ka kaluar tre mujorin dhe mospasja e letrave është bërë shkak që ai të mos kthehet më në gjirin e familjes. Një fenomen tjetër janë dhe rrjetet sociale." ka deklaruar Aurora Gucka.

Këtë vit pranë Gjykatës së Shkallës së Parë Kukës janë bërë 81 divorce e 30 kërkesa të tjera janë në shqyrtim.Vetëm për muajin shtator janë përfunduar 15 çështje divorci.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bepi: 12/10/2019 05:48

    Danu e q motren se edhe kjo ju ka met se te tjerat i keni ne rregudh

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata