POP 5

Lajmet më të lexuara të 5 minutave të fundit

Rritet numri i pacientëve në Pediatrinë e Beratit! Mjeku: Arrin në 150 gjatë fundjavës, ka shtim të rasteve të helmimit nga nxënësit

Pediatria e spitalit të Beratit po përballet me fluks të shtuar pacientësh të prekur nga virozat e stinës dhe që kanë pësuar helmime ushqimore. Pediatri Vladimir Kumaraku thotë se në fundjavë numri i pacientëve arrin në 150, kryesisht të moshave 0 deri në 4 vjeç.

Temperaturat e larta të ditëve të fundit, dhe konsumimi i ushqimeve të pakontrolluara ka shtuar numrin e pacientëve në Pediatrinë e Beratit.

“Si çdo herë në stinës së verës rritet numri i pacientëve, sidomos nga ushqimet e pakontrolluara dhe nga virozë me temperatura të larta deri në 41 gradë që shoqërohet me të vjella, dhe raste të tjera në temperaturë rebele ndaj antipiretikëve. Në fundjavë ka shumë raste”, thotë mjeku pediatër.

Shefi i Repartit të Pediatrisë në Spitalin Rajonal Berat, mjeku pediatër Vladimir Kumaraku, thotë se në fundjavë numri pacientëve ka arritur në 150.

“Numri i vizitave nuk bie nën 50 në ditë, ndërsa në fundjave kanë shtuar në 150 vizita”, tha Kumaraku.

Nga intoksikimet janë më të prekur fëmijët e shkollave fillore, ndërsa virozat moshat deri në 4 vjeç.

“Fëmijët e viteve të para të shkollës, për helmime, ndërsa për virozat janë mosha 0-4 vjeç”, shprehet mjeku.

Mjeku pediatër ka edhe një apel për prindërit.

“Familjarët të kontrollojnë ushqimet që konsumojnë fëmijët ushqime të mira, të tregohet kujdes me akulloret që konsumohen”, tha mjeku.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça