POP 5

Lajmet më të lexuara të 5 minutave të fundit

Sociale

Rritet numri i të prekurve me sklerozë, neurologia: Shkak rritja e jetëgjatësisë

Rritet numri i të prekurve me sklerozë në Shqipëri. Mjekët neurologë thonë se kjo tendencë në rritje lidhet me faktin se po rritet dhe jetëgjatësia e popullsisë. Ndërkohë, rekomandojnë se kush ka probleme shëndetësore të bëjë trajtim të vazhdueshëm dhe një jetë të shëndetshme.

30 maji i çdo viti shënon Ditën Botërore të Sklerozës Multiple, një sëmundje e sistemit nervor, e cila paraqitet me ankesa dhe dhimbje të ndryshme, të cilat vijnë kohë pas kohe. Në Shqipëri mjekët japin alarmin se numri i të prekurve me sklerozë është në rritje. Neurologia Diana Naco për Report tv shpjegon se rritja e numrit të të prekurve me sklerozë lidhet me rritjen e jetëgjatësisë së popullsisë.

“Skleroza është një sëmundje që këto vitet e fundit ka një tendencë në rritje. Rritje për arsye se dhe vetë jetëgjatësia e popullatës është në rritje dhe kjo sëmundje prek kryesisht moshën e tretë” tha Diana Naco.

Mjekja neurologe shpjegon se ende nuk është gjetur një shkaktar i mirëfilltë për këtë sëmundje, por pacientëve gjithmonë u rekomandohet një jetë e shëndetshme, dhe nëse kanë sëmundje të ndryshme shoqëruese duhet të trajtohen vazhdimisht.

“Duhet të eliminojmë shkaktarët por në rastin e një sëmundje të tillë nuk është gjetur ende një shkaktar i mirëfilltë. Duhet një jetë e shëndetshme, dhe nëse kanë një sëmundje të shoqërueshme si hipertensioni, diabeti, sëmundje vaskulare duhet të trajtohen gjithmonë. Duhet me patjetër një ushqyerje e shëndetshme”.

Sëmundja e Sklerozës është një sëmundje progresive e trurit, në të cilën shtimi e proteinave toksike shkakton vdekjen e qelizave nervore.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51