POP 5

Lajmet më të lexuara të 5 minutave të fundit

Ekonomi

Perimet në sera/ Kastravecët e Patosit eksportohen ne Gjermani! Fermeri: Kam rritur prodhimin, por s'ka punëtorë

Në Patos është rritur sipërfaqja e perimeve të kultivuara në sera dhe tashmë është sezoni i vjeljes së kastravecëve. Fermerët thanë se pjesa më e madhe e prodhimit shkon për eksport, por problem për ta mbetet krahu i punës

Për një javë pritet të nisë vjelja e kastravecëve në serat e Zharrëz në Patos. Një ndër prodhuesit më të mëdhenj të kësaj zone është Roland Xhepaj.

Fermeri thotë se ka shtuar sipërfaqen e mbjellë me kastravec gjatë 3 viteve të fundit pasi tregun e ka të siguruar. Pjesa më e madhe e prodhimit shkon për eksport. Po kështu një sipërfaqe të konsiderueshme e ka kultivuar me luleshtrydhe.

“Ky është viti i tretë i prodhimit te kastravecit në sera. Duke pare leverdinë e këtyre perimeve kam mbjellë 8 dynym në total,  ku 6 prej tyre i kam përfituar  me skemat mbështetëse të AZHBR dhe IPA (fonde të Bashkimit Europian). Kastravecat rriten pa pesticide dhe tregun e kemi të sigurt. Unë e dorëzoj tek grumbulluesit dhe ata e çojnë për eksport, kryesisht në Gjermani”. – tha Xhepaj.

Problemi kryesor për këtë fermer dhe shumë të tjerë në Patos është mungesa e krahut të punës.

“Punëtorë nuk ka sepse puna në bujqësi është sezonale. I kemi rritur rrogat nga 1000 lekë në ditë ka vajtur në  1700 leke në ditë,, por sërish nuk ka punëtorë. Gratë punojnë kryesisht nëpër fasoneri, ndërsa burrat kanë emigruar”.- tha Xhepaj.

Nga të dhënat zyrtare mësojnë se në gjithë Bashkinë e Patosit sipërfaqja me sera shkon në 210 hektarë, ku 145 ha janë mbjelle me perime dhe 65 hektare me luleshtrydhe dhe manaferra.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kastravec: 30/10/2023 17:25

    Me çfarë puntorë e ke rrit prodhimin ti kur s'ke puntorë? Apo fol kot.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

25 Dhjetor, 19:46