Rritet sërish çmimi i naftës, nga sot do të shitet 252 lekë! Shtrenjtohet edhe çmimi i benzinës, gazi nuk ndryshon

Rritet sërish çmimi i naftës, nga sot do të shitet 252 lekë! Shtrenjtohet edhe çmimi i benzinës, gazi nuk ndryshon

TIRANË- Pas një rënie, çmimi i naftës në vend është rritur sërish. Bordi i Transparencës ka publikuar çmimet e reja, ku siç vihet re nafta do të shitet me 252 lekë litri, nga 243 që ishte më parë. Rritje ka pësuar edhe çmimi i benzinës, i cili duke filluar nga sot do të shitet me 241 lekë, nga 235 që ishte më parë. Ndërsa çmimi i gazit nuk ka pësuar ndryshim dhe do të vijojë që të shitet me 81 lekë për litër. Çmimet e caktuara nga Bordi do të hyjnë në fuqi sot datë 5 Korrik ora 18.00.

‘Bordi i Transparencës në datë 5 Korrik 2022, në mbledhjen e radhës vendosi: Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 252 lekë/litri, ndërsa i shitjes me shumicë jo më shumë se 240 lekë/litër. Çmimi i shitjes me pakicë i nënproduktit benzinë e standardit SSH EN  të  jetë jo më shumë se 241 lekë/litri,ndërsa i shitjes me shumicë jo më shumë se 229 lekë/litër. Çmimi i shitjes me pakicë i nënproduktit gaz, të jetë 81  lekë/litri me pakicë dhe i shitjes me pakicë 69 Lekë /litri.

Çmimet e caktuara nga Bordi do të hynë në fuqi sot datë 5 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi. Në rast të shkeljeve të konstatuara nga operatorë të ndryshëm do të vendoset pezullimi i aktivitetit. Jemi në monitorim të vazhdueshëm të ecurisë së bursave, me qëllim reagimin sa më të shpejtë.’- njofton Bordi.

                    Ishte                     Bëhet
Nafta           243 lekë/litri           252 lekë/litri           
Benzina      235 lekë/litri            241 lekë/litri           
Gazi            81 lekë/litri              81 lekë/litri

Anëtarët e Bordit Kombëtar të Administrimit të Karburanteve

Ministrja e Infrastrukturës Belinda Balluku
Ministrja e Financave, Delina Ibrahimaj
Drejtori i drejtorisë së Tatimeve, Ceno Klosi
Drejtori i drejtorisë së Doganave, Gent Gazheli
5 përfaqësues nga shoqërite e hidrokarbureve të cilat kanë xhiron vjetore më të lartë në vitin paraardhës

 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Saliu: 05/07/2022 15:51

    Ah Sali plehra e rrite çmimin e naftës, ti e ke fajin. Ku janë sufllaqet te më mbështesin?

    Përgjigju
  • Genti: 05/07/2022 12:30

    Faleminderit Bordi, rrite me shume pse kaq pak.

    Përgjigju
  • Sondazhi i ditës:

    Vizita e Presidenti Begaj në Kosovë, si i vlerësoni mesazhet dhe takimet që zhvilloi?



×

Lajmi i fundit

8 ushtarë të tjerë rusë të dyshuar për krime lufte në Bucha, plaçkitën shtëpitë e braktisura

8 ushtarë të tjerë rusë të dyshuar për krime lufte në Bucha, plaçkitën shtëpitë e braktisura