Rritja e çmimeve/ Braçe: Vendi ka varësi totale nga importi! Urgjent investime në sektorin e energjisë, të mendojmë për një rafineri

 

Deputeti socialist Erion Braçe thotë se çmimet e produkteve ushqimore por edhe të hidrokarbureve janë rritur ndjeshëm edhe për shkak se vendi ka një varësi totale nga importi sa i përket energjisë. Braçe thotë se vendi ka nevojë urgjente për të investuar sa më parë për diversifikim të prodhimit të energjisë.

“Që konjuktura ndërkombëtare ndikon në rritjen e çmimeve, të naftës, gazit, ushqimeve etj kjo është shumë e qartë. A ka probleme të tjera? Sigurisht që ka! Ne kemi probleme për shkak se jemi të varur nga importi, që do të thotë se kemi probleme me strukturën e prodhimit në këtë vend. Ne duhet të fillojmë të marrim hapësirën tonë dhe pavarësinë nga importet, qoftë nga energjia por edhe nga produktet ushqimore. Duhet të diversifikojmë energjinë. Nëse do ta kishim bërë me kohë sot nuk do të ishim tërësisht të varur, qoftë nga importet por edhe nga burimet hidrike. Është jetike për ne që të vijojmë investime në veprat energjetike, Skavica është njëra.

LEXO EDHE:
FOTOLAJM/ Probleme me dëgjimin pas shpërthimit në magazinën në Lushnjë, Bujar Çela ndjek seancën plenare me kufje

Duhet t’i japim hapësira investimeve të burimeve tona këtu, duhet të mendojmë për një rafineri tonën këtu. Të gjitha këta që importojnë 600-700 mijë ton, sikur të mendonin vetëm një ditë të vetmi që 120 mln euro duhen ndarë më vetë për të ndërtuar një rafineri patjetër që bëhet. Të mos e keni mendjen vetëm tek pallatet nëpër Tiranë. Duhet të plotësojnë nevojat e këtij vendi për naftë të përpunuar. Padyshim që duhet të investojmë te sektori i bujqësisë, prodhimet blegtorale dhe bujqësore”, tha ndër të tjera Bracce në intervistën për ‘Studio Live’ në Report Tv.

Lajmi kryesor:

Rritja e çmimeve, Braçe: Ka abuzime, Bordi po humb funksionin! Kemi varësi nga importi, duhen masa urgjente! Taksë profesioneve të lira? Sjell drejtësi fiskale

K.T./Sh.Sh/Shqiptarja.com

TAG:
• rritja e cmimeve