Rritja e çmimeve, Meta: Qeveria asnjë paketë ekonomike në ndihmë të familjeve! Të ndërhyjë urgjentisht

Qindra qytetarë janë ngritur në protestë sot në Tiranë për të kundërshtuar rritjen e çmimeve, teksa Presidenti Ilir Meta ka reaguar duke thënë se Qeveria nuk ka bërë asnjë paketë ekonomike në ndihmë të familjeve. Meta ka kërkuar ndërhyrje urgjente për uljen e çmimit të karburanteve dhe për miratimin e një pakete ekonomike në ndihmë të familjeve në nevojë.

Postimi i plotë i Metës:

Greqia miraton paketën e ndihmës ekonomike 300 - 400 euro për familjet me të ardhura të ulëta.

Maqedonia e Veriut përgatit paketën ekonomike 400 milion euro për zbutjen e krizës së çmimeve, me fokus uljen e çmimit për karburantet, energjinë elektrike dhe ndihmën e familjeve në nevojë. Kosova ndan 50 milion euro subvencione në bujqësi.

Kroacia heq akcizën e naftës.

Shqipëria ZERO paketë ekonomike në ndihmë të familjeve në nevojë, fermerëve dhe bizneseve të vogla dhe ZERO nisma për uljen e çmimeve abuzive të karburanteve, energjisë elektrike dhe mallrave të shportës. Qeveria të ndërhyjë urgjentisht: Për uljen e çmimit të karburanteve; Për miratimin e një pakete ekonomike në ndihmë të familjeve në nevojë. Koha për të dëgjuar zërin e qytetarëve është tani!

Lajmi kryesor:

Rritja e çmimit të naftës, 3 orë protestë në Tiranë! Qindra qytetarë para Kryeministrisë: Do jemi çdo ditë këtu! Bllokuan rrugët e Unazës për disa minuta! 20 të shoqëruar

TAG:
• Ilir Meta
• rritja e cmimeve