Rritja e depozitave në euro nuk është ndalur as në muajt e parë të këtij viti.
Sipas të dhënave nga Banka e Shqipërisë, në fund të muajit shkurt totali i depozitave bankare në monedhën europiane arriti në pothuajse 6.4 miliardë euro.
Ndërkohë që depozitat në total dhe veçanërisht ato në lekë për muajin shkurt pësuan një rënie të fortë, depozitat në euro u shtuan me 17 milionë euro krahasuar me janarin dhe me 80 milionë euro që nga fillimi i vitit.
Krahasuar me një vit më parë, depozitat në euro rezultojnë në rritje me 16.5%, duke konfirmuar ritme të rritjes shumë më të larta krahasuar me depozitat në monedhën vendase. Në periudhën pas pandemisë, depozitat në euro në sektorin bankar shqiptar janë rritur me rreth 45%.
Risia në strukturën e depozitave gjatë muajve të fundit është një rritje në segmentin e depozitave me afat. Rritja e normave të interesit ka bërë që gradualisht depozituesit të vendosin më shumë fonde në depozita me afat. Struktura e depozitave në euro vazhdon të dominohet nga individët, me rreth 74% të totalit.
Rritja e vazhdueshme e depozitave në euro dëshmon rritjen e prurjeve valutore në ekonominë shqiptare. Bilanci i pagesave po shfaq tendenca pozitive, me rritje të flukseve hyrëse të valutës nga turizmi, rritja e eksporteve të shërbimeve, remitancat dhe nga investimet e huaja.
Sektori i turizmit po jep kontribut në rritje dhe bilanci neto i të ardhurave vitin e kaluar arriti vlerën rekord prej 1.07 miliardë eurosh, në rritje vjetore me 27.3%, ndërsa remitancat për vitin 2022 arritën në 834 milionë euro, në rritje me 9.6% krahasuar me vitin 2021.
Investimet e huaja direkte shënuan një rekord të ri historik dhe arritën vlerën e 1.37 miliardë eurove, në rritje me 33% krahasuar me një vit më parë. Përveç prurjeve të dokumentuara nga statistikat zyrtare, vlerësohet se një rol të rëndësishëm në rritjen e prurjeve valutore në ekonomi kanë edhe aktivitetet informale dhe ato të jashtëligjshme.
Të gjitha bashkë po sjellin një shëndoshje me ritme të larta të depozitave bankare në euro, duke i bërë ato gjithnjë e më dominuese në strukturën e kursimeve të shqiptarëve. Sipas Bankës së Shqipërisë, në fund të gjashtëmujorit të dytë 2022, treguesi që mat peshën e depozitave në valutë ndaj totalit të depozitave shënoi nivelin 55%, 3.2 pikë përqindje më shumë krahasuar me një vit më parë.
Shifrat tregojnë se depozitat në valutë dhe sidomos në euro po vazhdojnë të thellojnë epërsinë edhe në muajt e parë të këtij viti.
Efektet e prurjeve të larta valutore në ekonominë shqiptare po shfaqen gjithnjë e më të forta edhe në kursin e këmbimit valutor. Në fund të vitit 2022 euro preku nivelin më të ulët historik, në vlerën e 112.83 lekëve, ndërsa në fundin e tremujorit të parë të këtij viti po i afrohet shumë këtyre niveleve.
Sipas kursit zyrtar të këmbimit të Bankës së Shqipërisë, ditën e enjte euro këmbehej me 113.35 lekë dhe tremujori i parë ka shfaqur një tendencë të qartë në rënie, çka e bën gjithnjë e më të ngjashme prekjen e rekordeve të reja në rënie./Monitor
Komente
Lajme të tjera
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Manifaktura 230 mln euro humbje prej zhvlerësimit të kursit, BSH: Ky sektor duhet të ndryshojë modelin e biznesit
15 Nëntor, 10:21 -
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
Paketa fiskale 2025/ Dhoma e Tregtisë e biznesi me 28 propozime: Pagesat vetëm në lekë, gjobë kush paguan në valutë
12 Nëntor, 18:09
-
Euro thellon rënien, po blihet me 97 lekë dhe shitet me 98 lekë! Monedha Evropiane është zhvlerësuar me 6.5% krahasuar me vjet
8 Nëntor, 17:20
-
Valutat e huaja humbasin përsëri terren, Leku ruan ‘kështjellën’ në kursin e këmbimit! Vetëm Franga zvicerane dhe Jeni fitojnë pikë
4 Nëntor, 15:28 -
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Kriza e euros, po këmbehet me 98 lekë! BSH deri në fund të vitit do të blejë 330 mln €: Më e rëndë situata nëse s’do ndërhynim
13 Tetor, 14:20
-
Leku forcon pozitat përballë euros, humb terren ndaj dollarit
9 Tetor, 17:37 -
Itali/ Shqiptari kapet me 3 kg kokainë të paketuar me “Rolex” dhe 48 mijë euro cash në banesë! Me precedentë penalë në trafikun e drogës, e tradhtuan lëvizjet
6 Tetor, 17:54 -
Rritet 0.6% besimi në ekonomi, euro e dobët godet tregëtinë! Industria e shërbimeve, më shumë optimistë për të ardhmen
1 Tetor, 18:50
Rriten depozitat sepse futen euro me thase nga te kater anet. Duam amnistine fiskale apo jo or teeeejjjjj
Përgjigju