Rritja e numrit të rasteve të reja me COVID, rikthehet ora policore në Kosovë! Shtyhet nisja e fillimit të ri shkollor

KOSOVË- Rritja e rasteve të reja, që kanë ardhur edhe si rezultat i variantit Delta ka bërë që Kosova t'i rikthehet masave shtrënguese. Nga sot në Kosovë do të rikthehet ora policore, nga 22:00-05:00, e ndërsa baret dhe restorantet do të lejohen që të punojnë deri në orën 21:00.

Në takimin e bërë nga ministri i Shëndetësisë Arben Vitia dhe kryetarëve të komunave, u vendos edhe shtyrja e fillimit të vitit të ri Akademik. Nga 1 shtatori është caktuar që nxënësit të rikthehen në bankat e shkollës më 13 shtator.

“Mësimi po shtyhet deri më 13 shtator. Gastronomia do të punojë deri në orën 21.30. Ndërsa do të vendoset edhe ora policore nga ora 22:00 deri në prën 05:00. 1 mijë e 16 punëtorë shëndetesore dhe inspektorë do të shtohen. Kërkesa e komunave rreth furnizimit me barna do te plotësohet, pra 92 per qind e kërkesave par furnizim do të plotësohen. Ne si Asociacion kërkuam shtimin e inspektorëve komunal që masat të zbatohen si dhe hapjen e qendrave të reja të vaksinimit, ministri tha se kjo varet prej numrit të vaksinave. Kërkesa jonë ishte edhe që të bëhet decentralizimi i rekrutimit të personelit”, ka deklaruar ministri.

LEXO EDHE:
'Mëngjesit të 17 majit Kosova anëtarësohet në KiE', Vuçiç sfidon Amerikën: Unë rri dhe pi me Dodikun e sanksionuar

Në 24 orët e fundit, si rezultat i 12.564 testimeve, kanë rezultuar pozitivë 2.098 qytetarë. Fatkeqësisht, 16 qytetarë nuk kanë mundur ta fitojnë betejën me koronavirusin, duke e çuar numrin e përgjithshëmtë viktimave në 2.404. Një rritje të rasteve ka pasur edhe në Shqipëri, e megjithatë Komiteti Teknik i Ekspertëve vendosi që të mos shtrëngojë masat.

Masat e reja në Kosovë
 –Mësimi nuk fillon deri më 13 shtator dhe atëherë të rivlerësohet situata.
– Gastronomia do të punoj vetëm deri në ora 21:30 dhe vetëm në ambiente të jashtme.
– Do të ketë kufizim të lëvizjes nga ora 22:00 deri ora 5:00.
– Do të rekrutohen 1116 personel shëndetësorë dhe inepsketues për të fuqizuar betejën e kundër kësaj pandemie.
– Komunat në shkallë 92% sipas kërkesave të tyre janë furnizuar me barna esenciale.
– Në fillim të shtatorit do të mbërrijnë edhe 470 mijë vaksina përmes Covax.
– Deri me 13 shtator do të punohet vetëm me staf esencial nëpër institucione.

Rendit zhvillimet sipas orarit:

Të Fundit Të Parat

B.K./Shqiptarja.com

TAG:
• kosove
• koronavirusi
• masat anticovid