Rritja e papunësisë, eksperti: Të mbështeten talentet e reja! Qeveria të nënshkruajë para kontratë për punë me studentët që zgjedhin degët prioritare

Shkalla zyrtare e papunësisë në Shqipëri arriti në 10,5%, në tremujorin e tretë 2023, duke shënuar një rekord historik minimal. Eksperti Erion Muça për Report Tv thotë se të rinjtë nuk po e gjejnë më veten në tregun e punës, për shkak se ofrohen vetëm pozicione vakante si në industritë përpunuese e prodhuese, bujqësi, fasoneritë apo baret-restorante, duke mos iu dhënë atyre mundësinë për të punuar në profilet që mbarojnë studimet.

Në emisionin ‘Sot Live në Shqipëri’ me gazetarin Nertil Agalliu, eksperti thotë se duhen politika parandaluese, si edhe të mbështeten talentet e reja.

“Një armatë të rinj me arsim të lartë të cilët kanë aspirata pritshmëri dhe pretendimet e tyre normale, përballë mundësitë për punë janë mundësi që kërkojnë arsim deri të mesëm, industritë përpunuese e prodhuese, bujqësi, apo sektori fason dhe baret restorante.

LEXO EDHE:
Më shumë të rinj të papunë, Pedagogu: Nuk studiohet nevoja e tregut! Rinia të mbështetet me grante

Duhen politika të caktuara parandaluese përmes identifikimit dhe mbështetjes së talenteve të reja dhe riparuese përmes rritjes, zhvillimit të sipërmarrjeve të ndryshme që të japin oferta joshëse për të rinjtë për të përmbushur pretendimet e tyre, jo vetëm paga por edhe infrastruktura e brendshme, të ketë mundësi për rritje profesionale”, tha Muça.

Ai po ashtu propozon që të bëhet një parakontratë mes studentëve që zgjedhin degët prioritere dhe qeverisë, për t’i mundësuar atyre një vend pune në përfundim të studimeve.

Të ndërtohet një ofertë kombëtare për mundësitë për punë në tregun vendas dhe mekanizma se si mund të punësohesh. Pa pasur këtë çdo hap ose masë tjetër s’do funksiononte. Nëse ka konfuzion për informacionin, i cili nuk vjen zyrtarisht, por përmes njohjes, është vështirë për ta përmirësuar gjendjen.

Elementi dy, të kemi cikël të mbyllur të garancisë për punë. Nëse zgjedh një degë prioritare do duhet të programohet një parakontratë që të kesh siguri për punën në mbyllje të ciklit, yti kthesh edhe shtetit pagën. Nëse s’ka cikël të mbyllura vështirësia që të kthehen në degë të preferuara do mbetet e lartë.

Sipas tij, një arsye përse ka një numër të lartë papunësie është edhe fakti që shumë studentë nuk përballen me punën që në moshë të hershme, por presin përfundimin e studimeve.

Mosfillimi i punës që në moshë të hershme është një arsye pse sot kemi shumë studentë që nuk janë ende në punë, por presin të përfundojnë studimet dhe të përballen me punën.

SI.E./Shqiptarja.com

TAG:
• papunesia
• erion muca