POP 5

Lajmet më të lexuara të 5 minutave të fundit

Politikë

‘Rritja e pensioneve, qesharake’, Tabaku: Të moshuarit nuk arrijnë të mbulojnë as nevojat themelore të jetesës

Deputetja e PD, Jorida Tabaku e ka konsideruar qesharake rritjen pensioneve, sipas saj me vetëm 20 lekë në ditë. Përmes një postimi në rrjetet sociale ditën e sotme, ajo shkruan se të moshuarit nuk arrijnë të mbulojnë as nevojat më themelore të jetesës

‘Rritja e pensioneve, qesharake’, Tabaku: Të moshuarit nuk arrijnë të mbulojnë as nevojat themelore të jetesës

Deputetja e PD, Jorida Tabaku

Deputetja e PD, Jorida Tabaku e ka konsideruar qesharake rritjen pensioneve, sipas saj me vetëm 20 lekë në ditë.

Përmes një postimi në rrjetet sociale ditën e sotme, ajo shkruan se të moshuarit nuk arrijnë të mbulojnë as nevojat më themelore të jetesës

Sipas saj, kjo është një përpjekje e dështuar për të mbuluar rënien e fuqisë blerëse dhe sfidat ekonomike të 700 mijë pensionistëve në Shqipëri.

“Pensionet shqiptare nuk arrijnë të mbulojnë as nevojat më themelore të jetesë dhe kjo është një padrejtësi e madhe që po ju bëhet një brezi që ka dhënë gjithçka për këtë vend,” deklaroi ajo.

Sipas saj, rritja e pagave dhe pensioneve nuk duhet të jetë thjesht një manovër propagande e qeverisë. Politikat aktuale fiskale dhe ekonomike favorizojnë një pakicë të privilegjuar, duke varfëruar shumicën e qytetarëve.

“Një skemë e dështuar pensioni, si kjo e miratuar në 2014-2015, nuk mund të sjellë të ardhura të dinjitetshme për qytetarët tanë në moshën e tretë,” përfundoi Tabaku.

Tabaku shtoi se dështimi i skemës së pensioneve është drejtpërdrejtë i lidhur me dështimin e ekonomisë së vendit, duke shtuar se rritja fiktive e pagave dhe politika e formalizimit të detyruar kanë krijuar një iluzion të zhvillimit ekonomik, por në realitet kanë përkeqësuar situatën.

Për më tepër, rritja e pagës minimale, thekson ajo, është përdorur si një mjet propagandistik për të treguar një përmirësim të kushteve ekonomike, por në realitet kjo nuk ka sjellë përfitime reale për qytetarët.

Sipas Tabakut, Rritja e detyruar e pagës minimale ka rritur vetëm shpenzimet e biznesit dhe ka detyruar shumë prej tyre të reduktojnë numrin e të punësuarve, duke shtuar papunësinë dhe pasigurinë ekonomike.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Mars, 10:09

    Sa e dëshironi integrimin e Shqipërisë në Bashkimin Europian?

Lajme të tjera



×

Lajmi i fundit

Arrestimi i kryebashkiakut Imamoglu në Turqi: X pezullon llogaritë e opozitës mes protestave!

Arrestimi i kryebashkiakut Imamoglu në Turqi: X pezullon llogaritë e opozitës mes protestave!

22 Mars, 22:57