1768747189_KryeministrjaeDanimarkes.png

Kryeministrja e Danimarkës ka reaguar sërish pas deklaratës së përbashkët nga të tetë vendet e synuara nga tarifat e Donald Trump.

Sipas mediave të huaja, Mette Frederiksen thotë se qeveria e saj ka qenë në “dialog intensiv” me aleatët e saj, përfshirë kancelarin Friedrich Merz të Gjermanisë, Presidentin Emmanuel Macron të Francës dhe kryeministrin Keir Starmer të Mbretërisë së Bashkuar.

"Mbretëria e Danimarkës po merr mbështetje të madhe. Në të njëjtën kohë, tani është edhe më e qartë se kjo është një çështje që shkon përtej kufijve tanë", tha ajo.

"Aq më e rëndësishme është që ne të qëndrojmë të vendosur në vlerat themelore që krijuan komunitetin evropian. Ne duam të bashkëpunojmë dhe nuk jemi ne ata që kërkojmë konflikt", vijoi ajo më tej.

"Jam i kënaqur me mesazhet e vazhdueshme nga pjesa tjetër e kontinentit: Evropa nuk do të shantazhohet", përfundoi deklaratën e saj kryeministrja e Danimarkës.


Lajmi kryesor:

Groenlanda/ Kërcënimet e Trump për tarifa të larta doganore, vendet e BE mbledhje urgjente