Rrjeti i ujësjellësit në Shkozë
Veliaj: 1500 banorë përfitojnë

Falë investimeve në sistemin e Ujësjellës-Kanalizime, banorët e Shkozës do të kenë ujë të pijshëm 24 orë. Prej 20 vitesh kjo zonë ka pasur mungesë të furnizimit me ujë dhe prej vitesh, afro 1500 banorë janë furnizuar me bote apo ujë pusi.

Kjo problematikë sipas Erjon Veliaj do të marrë fund me përfundimin e punimeve ne sistemin e ujësjellës-kanalizime.

Kryebashkiaku i Tiranës gjatë inspektimit të punës , është shprehur se investimet do te vijojnë në te gjithë kryeqytetin, dhe se ky vit do te jetë viti radikal i investimeve në  sistemin e ujësjellësit.

"Ne këtë zonë që preket nga njësia 1  cila është një zonë  e zhvilluar sidomos pas viteve 90, ne të vendosim rrjetin kryesor të ujësjellësit që lidhet direkt me depon e ujit  për të siguruar që uji shtohet që nuk ka më nevojë të blihet më me bote  dhe nuk ka më nevojë të bëhen abuzime  duke ndërhyrë në rrjet. Besoj se ky vit do të hyjë në histori, më radikal i ndërhyrjeve , financimeve në ujësjellës", shprhet Veliaj. 

Ai shtoi se fillimisht UKT-ja po shtron rrjetin e ujit, mandej rruga do të shtrohet me asfalt dhe do të bëhet rehabilitimi urban i zonës.

Sipas tij, ky koordinim midis kompanive publike bëhet për të shmangur çdo humbje në investimet e Bashkisë, ndryshe nga sa veprohej më parë kur rrugët pasi asfaltoheshin çaheshin edhe njëherë nga ujësjellësi.

Veliaj tha se falë investimeve të Bashkisë së Tiranës dhe ndërhyrjeve që ka bërë në disa prej linjave të furnizimit me ujë, ka shmangur abuzimet me ujë dhe ka sjellë një furnizim më të madh për familjet në krahasim me vitet e shkuara.









Redaksia Online
(M.Ç/shqiptarja.com)