Rrjeti shpërthen në kritika kundër Macron: Flet për pensionet dhe mban orë 80 mijë euro! Presidenti e heq nga dora gjatë intervistës

Rrjeti shpërthen në kritika kundër Macron: Flet për pensionet dhe mban orë 80 mijë euro! Presidenti e heq nga dora gjatë intervistës

Emmanuel Macron

Presidenti francez, Emmanuel Macron është kritikuar pasi hoqi një orë "luksoze" gjatë një interviste për reformën e pensioneve.

Franca është përfshirë nga protesta dhe greva për vendimin e Macron për të rritur moshën e pensionit nga 62 në 64. Përfaqësuesit e Macron thanë se presidenti hoqi orën sepse ajo po ‘trokiste mbi tavolinë’.

Por kritikët e tij kanë pohuar se ora tregon se ai është jashtë realitetit ku ndodhen qytetarët.

Incidenti ndodhi gjatë një interviste në kohën kryesore të së mërkurës, kur Macron po justifikonte arsyet e tij për ndryshimin e moshës së pensionit.

Teksa mbështeti parakrahët në tavolinë, u dëgjua një zhurmë. Presidenti më pas uli duart nën tavolinë ndërsa vazhdonte të fliste. Kur i vuri përsëri mbi tavolinë, ora ishte hequr.

Ekipi i tij këmbënguli se heqja ishte krejtësisht e paqëllimshme. Por ora që mungonte tërhoqi shpejt vëmendjen e kritikëve të tij.

Clémence Guetté, një deputete e partisë së majtë të opozitës La France Insoumise, ka marrë pjesë në protestat kundër rritjes së pensionit.

Ajo shkroi në Twitter se ndërsa presidenti po pretendonte se fituesit e pagës minimale kishin fuqi blerëse të paprecedentë, vetë Macron kishte hequr nga dora orën e tij luksoze.

"Ky njeri është një shaka," tha zonja Guette.

“Presidenti i të pasurve nuk e ka veshur kurrë kaq mirë emrin e tij”, tha kolegia e saj, Farida Amrani.

Ndërsa disa prej qytetarëve kritikuan Macron duke thënë se ky i fundit flet për pensionet ndërsa mban në dorë orën me vlerë 80 mijë euro. 

Kostoja e saktë e orës ka qenë në diskutim. Disa raportuan se ora kishte vlerë 80,000 € ndërsa në biznese të tjera raportuan se kostoja e vërtetë, ishte 2400 euro.

 

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Humbja me Italinë në Euro 2024, Sylvinho: I kënaqur me paraqitjen, por jo me rezultatin! Falenderoj tifozerinë kuqezi

Humbja me Italinë në Euro 2024, Sylvinho: I kënaqur me paraqitjen, por jo me rezultatin! Falenderoj tifozerinë kuqezi