POP 5

Lajmet më të lexuara të 5 minutave të fundit

Ekonomi

Rruga e Arbrit, një ëndërr që në vitin e largët 1922, gjurma dhe kostoja! Ja segmentet e rrugës tashmë të hapura, Qafa e Murrizit më problematike

Kronika në vijim na njeh me të gjitha segmentet që janë hapur prej 29 nëntorit në Rrugën e Arbrit, dhe pjesët për të cilat po punohet që të jenë plotësisht gati pranverën e vitit 2022. Investimi i përfolur që në vitin 1922 do të kushtojë në total 40.3 miliardë lekë.

Rruga e Arbrit një investim i përfolur që në vitin 1922, i hapur pjesërisht një ditë më parë pritet të përfundojë plotësisht në prill të vitit të ardhshëm. Deri në vitin  1932 ky segment quhej ‘Rruga e Dibrës’ dhe funksionoi deri kur u hap rruga automobilistike Krujë-Burrel.

Rruga kalon në fshatrat e Tiranës konkretisht në njësinë Administrative të Zall Bastarit (Ferraj, Brar, Shkalla-Tujanit Zall Dajt, Kurte, Zall Bastar, Bastar-Murriz) dhe nëpërmjet Tunelit të Murrizit rruga përshkon territorin e Bashkisë Klos (duke përshkuar fshatrat Drezes, Xibër, Shkallë, Fshati Fshat). Pas daljes nga tuneli i Qafe Buallit rruga kalon në Bashkinë Bulqizë, dhe në afërsi të urës se Çerenecit përshkon ne gjurmën e re, në të djathtë të fshatit Shupenzë e më tej në Gjoricën e poshtme e përfundon në Bllatë të Dibrës.

Gjatësia e këtij projekti Tiranë-Bllatë është në total 69.319 kilometra, ndërsa rruga që përfshihet në kontratën koncesionare është 54.271 kilometra, 10 km janë ura dhe 5 km rrugët lidhëse.

Pjesë përbërëse të këtij projekti janë 6 tunele me gjatësi totale 10 kilometra, janë 4 ura ku dy janë struktura betoni dhe 2 ura të tjera me strukturë çeliku me gjatësi totale 1.4 kilometra. I gjithë ky investim kushton 40.3 miliardë lekë me TVSH.

Punimet për ndërtimin e rrugës nisën në 2019 dhe përfundojnë zyrtarisht në prill të vitit 2022, ndërsa kontrata koncesionare është me jetëgjatësi 13 vite.

Realizimi i volumeve të punimeve ndërtimore është në masën 75%, ndërsa ngërçi më i madh është në Tunelin e Murrizit ku rrëshqitjet e dherave e pengon vijimin e punimeve me ritme të shpejta.

Më 29 nëntor u hapën për kalim 47.36 km rrugë, konkretisht segmenti Tiranë - Qafë Murriz – Klos, e gjatë 35.14 km, ku tuneli i Murrizit anashkalohet nga një bypass i ndërtuar nga kompania, i cili në përfundim të veprës do t’u mbetet në përdorim banorëve të zonës. Dhe segmenti tjetër i hapur është Ura e Çerenecit - Majtare dhe Maqellarë-Bllatë, gjithsej 12.22 km.

Ky investim shkurton me 2 orë distancën mes Tiranës dhe Dibrës dhe është mirëpritur nga banorët e zonës të cilët e kërkonin prej dekadash.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46