POP 5

Lajmet më të lexuara të 5 minutave të fundit

Politikë

'Rruga e Kombit', Rama pret biznesmenët kuksianë: Reduktim çmimi, jo heqje takse

Kryeministri Edi Rama ka takuar në Kryeministri 20 biznesmenë që operojnë në qarkun e Kukësit për të dëgjuar kërkesat e tyre dhe për të kërkuar nga ata hapjen e vendeve të reja të punës për ata që kanë aplikuar pranë zyrave shtetërore të punësimit. 
'Rruga e Kombit', Rama pret biznesmenët kuksianë: Reduktim çmimi, jo heqje takse

Kryeministri Edi Rama gjatë pritjes me biznesmenët kuksianë

Në kulmin e debateve për tarifën në "Rrugën e Kombit", Report TV ka mësuar se kryeministri Rama ka pritur të enjten në darkë në kryeministri 20 biznesmenët kryesorë që operojnë në qarkun e Kukësit për të dëgjuar kërkesat e tyre dhe për të kërkuar nga ata hapjen e vendeve të reja të punës për ata që kanë aplikuar pranë zyrave shtetërore të punësimit. 

Takimi është zhvilluar rreth orës 19:00 deri në 21:00, dhe më pas kryeministri është larguar për të shkuar në një emision televiziv. Në këtë darkë kryeministri është shoqëruar nga dy ministrat, Arben Ahmetaj dhe Damian Gjiknuri, dhe drejtori rajonal i shërbimit kombëtar të punësimit në Kukës, Ledian Halilaj. Gjithashtu, e pranishme ka qenë edhe zv/ministrja e Financave, Dajna Sorensen.

Biznesmenët i kanë kërkuar kryeministrit që të kenë një përfaqësi të tyre në grupin negociator me koncensionarin, dhe kryeministri mësohet të ketë thënë se do të jetë një proces transparent me pjesëmarrjen e të gjithëve. Do të ketë reduktim çmimi, por jo heqje takse, mëson Report TV të ketë thënë kryeministri. 

“Takse zero nuk ka se nuk kemi luksin per vete koston e larte te mirëmbajtjes por do rishikohet ulje e ndjeshme çmimi, abone si dhe favorizim më i lartë te banoreve te rrezes 20 km ne zone!”,-mësohet të ketë thënë kryeministri. Rama i ka njohur biznesmenët me planin për të hapur brenda vitit aeroportin e Kukësit, duke ju thënë se është parashikuar që të terminojnë 400 mijë udhëtarë në vit. 

Ministri Ahmetaj ka bërë me dije shifrat, ku sipas tij “Kostoja mesatare ditore ne qytet e 1 udhëtari rezulton 10€ çfarë përkthehet ne mijëra vende pune dhe miliona dollarë qarkullim ne ekonominë e Kukesit”, ndaj ka ftuar biznesmenët të investojnë në agro-turizëm. 

Kryeministri ka kërkuar nga biznesmenët që punonjësit e tyre t’i rekrutojnë përmes zyrave kombëtare të punësimit.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigrant: 07/04/2018 12:52

    Z RAMA LERI TE VARFERIT ARKEN E SHTETIT MBUSHE ME TAKSIMIN E POLITIKANEVE ME 40/100 aligarket politikane+bisnese 50/100 cdo KUSHI qe ka me shume se 1 shtepi 30/100 gjyqtaret 60/100 DHE TA SHIKOJE AHMETAJ SA FITIME DO TE KETE SHTETI LERI FUKARENJTE TE QETE

    Përgjigju
  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Tradita e festimit të 1 janarit si fillimi i një viti të ri

Tradita e festimit të 1 janarit si fillimi i një viti të ri

1 Janar, 08:39